କଂଗ୍ରେସପାର୍ଟି ଭାସି ଗଲାଣି କିନ୍ତୁ କ୍ଲବରେ ରାହୁଲ:ବିଜେପି

ସନଷ୍ଟାର ଟିଭି ବ୍ୟୁରୋ

 ରିର୍ପୋଟ:କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଆଜିକାଲି ବ୍ୟକ୍ତିଗତ ଗସ୍ତରେ ଅଛନ୍ତି। ସେ ଏବେ ନେପାଳରେ ଅଛନ୍ତି। ରାହୁଲ ଗାନ୍ଧୀଙ୍କ ନେପାଳ ଗସ୍ତର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।  ଏଥିରେ ସେ କାଠମାଣ୍ଡୁର ଏକ ନାଇଟ୍ କ୍ଲବ ରେ ନଜର ଆସିଛନ୍ତି ।  ଏହି ଭିଡିଓ ଭାଇରାଲ ହେବା ପରେ  ବିଜେପି ର ସିଧା ନିଶାନାରେ ରାହୁଲ। ଏହାପରେ  କଂଗ୍ରେସ ଏବଂ ରାହୁଲ ଗାନ୍ଧୀଙ୍କ ଉପରେ ଆକ୍ରମଣ ଆରମ୍ଭ ହୋଇଯାଇଛି।  କୁହାଯାଉଛି ଯେ ଏହି ଭିଡିଓ ନେପାଳର ଲର୍ଡ ଅଫ୍ ଦି ଡ୍ରିଙ୍କ୍ସରୁ ଆସିଛି।

 ବିଜେପି ମୁଖପାତ୍ର ଶାହାଜାଦ ପୁନାୱାଲା କହିଛନ୍ତି ଯେ ରାହୁଲ ଗାନ୍ଧୀ ଯାହା କରୁଛନ୍ତି ତାହା ତାଙ୍କର ବ୍ୟକ୍ତିଗତ କଥା।  କିନ୍ତୁ ଯେତେବେଳେ ରାଜସ୍ଥାନର ଯୋଧପୁରରେ ହିଂସା ଘଟୁଛି, ରାଜସ୍ଥାନରେ କଂଗ୍ରେସ ସରକାର ଅଛି ଆଉ ରାଜସ୍ଥାନ ବର୍ତ୍ତମାନ ଜଳୁଛି। ରାହୁଲ ଗାନ୍ଧୀ ଏହା ଉପରେ ଚିନ୍ତା ପ୍ରକଟ କରିବା ପରିବର୍ତ୍ତେ ନେପାଳର ଏକ ନାଇଟ୍ କ୍ଲବରେ ପାର୍ଟି କରୁଥିବା ଦେଖିବାକୁ ମିଳିଛି।  ଯେତେବେଳେ କି ସେମାନେ ସେମାନଙ୍କର ସମସ୍ୟା ବିଷୟରେ ଜାଣିବା ପାଇଁ ଭାରତର ଲୋକଙ୍କ ସହିତ ରହିବା ଉଚିତ୍ ।

 ପୁନାୱାଲା ଆହୁରି କହିଛନ୍ତି, କଂଗ୍ରେସ ଦଳ ଶେଷ ହୋଇଗଲାଣି, କିନ୍ତୁ ରାହୁଲ ଗାନ୍ଧୀଙ୍କ  ପାର୍ଟି ଏପରି ଚାଲିବ। ସେ ରାଜନୀତିରେ ଗମ୍ଭୀର ନୁହଁନ୍ତି।  ଯେତେବେଳେ ତାଙ୍କ ଦଳ ଏବଂ ଦେଶର ଲୋକମାନେ ତାଙ୍କୁ ଆବଶ୍ୟକ କରନ୍ତି, ସେତେବେଳେ ସେ ନେପାଳରେ ପାର୍ଟି କରୁଛନ୍ତି ।

 ତେବେ ରାହୁଲ ତାଙ୍କର ବ୍ୟକ୍ତିଗତ କାମରେ ନେପାଳ ଯାଇଥିବା ବେଳେ ବର୍ତ୍ତମାନର ଭାଇରାଲ ଭିଡିଓ ତାଙ୍କୁ ଅନେକ ପ୍ରଶ୍ନ ଘେରକୁ ଟାଣି ଆଣିଛି। ଯାହା ଫଳରେ ଏହା ବିରୋଧୀଙ୍କୁ ପ୍ରଶ୍ନ କରିବାରେ ଏକ ଭଲ ମଉକା ଦେଇଦେଇଛି।