ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ଆପଣ ସୋସିଆଲ ମିଡିଆରେ ଅନେକ ଭାଇରାଲ ଭିଡିଓ ଦେଖିଥିବେ। ତେବେ ଆଜି ଆମେ ଗୋଟିଏ ଭିଡିଓ ଆପଣଙ୍କୁ ଦେଖାଉଛୁ,ଦେଖନ୍ତୁ ଏହି ଛୋଟ ପିଲାଟିକୁ । ଏ ସ୍ୱାର୍ଥପର ଦୁନିଆରେ ର୍ନିଃସ୍ୱାର୍ଥପର ସେବାର ମନବୃର୍ତ୍ତି ରଖିଥିବା ପିଲାଟିଏ । ଏତେ ଛୋଟ ବୟସରେ କରୁଛି ଏଭଳି କାମ । ଯାହାକୁ ଦେଖି ଆପଣ ନିଶ୍ଚିତ କହିବେ ସାବାସ୍ । ପ୍ରତିଦିନ ସୋସିଆଲ ମିଡିଆରେ ଛୋଟ ପିଲାଙ୍କର ଅନେକ ଭିଡିଓ ଭାଇରାଲ ହେଉଛି । କିନ୍ତୁ ଏହି ଭିଡିଓଟି ଟିକେ ନିଆରା । ତେବେ ଆସନ୍ତୁ ଦେଖିବା କ’ଣ ରହିଛି ଏହି ଭିଡିଓରେ ।ଆଜିକାଲି ସୋସିଆଲ ମିଡିଆରେ ଭାଇରାଲ ହେଉଥିବା ଏକ ସୁନ୍ଦର ଭିଡିଓରେ ଦର୍ଶାଯାଇଛି, ଯେ ଏକ ଛୋଟ ବାଳକ ପ୍ରଚଣ୍ଡ ଖରାରେ ରାସ୍ତା କଡରେ ବସି ବିକ୍ରି କରୁଥିବା ବିକ୍ରେତାଙ୍କୁ ଥଣ୍ଡା ପାଣି ବଣ୍ଟନ କରୁଛି। ତେବେ ବର୍ତ୍ତମାନ ଯେଉଁଭଳି ଦେଶରେ ଅଗ୍ନିବର୍ଷା ହେଉଛି । ପାଞ୍ଚ ମିନଟ୍ ରାସ୍ତାରେ ଛିଡା ହେବା କଷ୍ଟକର । ଏଭଳି ଖରାରେ ରାସ୍ତା କଡରେ ଦିନଭରି ବସି କାମ କରିବା ସେ ବିକାଳିଙ୍କ ପାଇଁ କଷ୍ଟସାଧ୍ୟ ନିଶ୍ଚୟ । ଏହି କୁନି ପିଲାଟି ସେମାନଙ୍କର ଦୁଃଖ ଏବଂ କଷ୍ଟକୁ ବୁଝିପାରିଛି ।
ତେବେ ଛୋଟ ପିଲାଟି ଭିତରେ ଏଭଳି ଚିନ୍ତାଧାର ବିକାଳିଙ୍କୁ ବହୁତ ଖୁସି କରାଇଥିଲା ।ସେମାନେ ଖୁସି ହୋଇ ପିଲାଟିକୁ ଆଶୀର୍ବାଦ ଦେଉଥିବାର ମଧ୍ୟ ଦେଖିବାକୁ ମିଳିଥିଲା ।ତେବେ ଏହି ଭିଡିଓଟିକୁ ଜଣେ ଭାରତୀୟ ପ୍ରଶାସନିକ ସେବା ଅଧିକାରୀ ଅୱାନିଶ ଶରଣ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଆପଣଙ୍କର ଛୋଟ ଦୟା କାହାର ଦିନକୁ ସ୍ୱତନ୍ତ୍ର କରିପାରେ ବୋଲି ଆଇଏଏସ୍ ଅଧିକାରୀ ଅୱାନିଶ କ୍ୟାପସନରେ ଲେଖିଛନ୍ତି ।
ଏହି ଭିଡିଓଟି ସେୟାର ହେବା ପରେ ଅନେକ ଭଲ ପାଇବା ପାଇଛି । ଜଣେ ୟୁଜର ନିଜର ମନ୍ତବ୍ୟରେ କହିଛନ୍ତି ଯେ ଏହା ଅତ୍ୟନ୍ତ ଚିତ୍ତକର୍ଷକ । ଏହା ସାହାର୍ଯ୍ୟର ସତ୍ୟତାକୁ ପ୍ରକାଶ କରୁଛି ।(ରିର୍ପୋଟ:ସୋନାଲି)
