ସନଷ୍ଟାର ଟିଭି ବ୍ୟୁରୋ
ରିର୍ପୋଟ:ରାଖୀ ସାୱନ୍ତ ସବୁ ବେଳେ ଚର୍ଚ୍ଚାରେ ରହିଆସନ୍ତି। ତାଙ୍କର ମଜାଳିଆ ଭିଡିଓ ଗୁଡିକ ପ୍ରାୟତଃ ଭାଇରାଲ୍ ହୋଇଥାଏ। ନିକଟରେ ରାଖୀ ତାଙ୍କ ବୈବାହିକ ଜୀବନ କୁ ନେଇ ବହୁତ ଚର୍ଚ୍ଚାରେ ଥିବା ବେଳେ ଏବେ ତାଙ୍କର ଟାଟୁ କୁ ନେଇ ସେ ପ୍ରଶଂସକଙ୍କର ଦୃଷ୍ଟି ଆକର୍ଷଣ କରୁଛନ୍ତି। ସେ ନିକଟରେ କହିଥିଲେ ଯେ ସେ ତାଙ୍କ ଶରୀରରେ କ୍ଷତକୁ ଲୁଚାଇବାକୁ ଯାଇ ଟାଟୁ କରିଥାଆନ୍ତି। ଆଉ ଏବେ ସେ ସେହି ଟାଟୁ କୁ ଲିଭାଇବାରେ ଲାଗିଛନ୍ତି। ସେ ତାଙ୍କ ଶରୀରରେ ତାଙ୍କ ସ୍ବାମୀଙ୍କର ନାମ ଟାଟୁ କରିଥିଲେ। କିନ୍ତୁ ବର୍ତ୍ତମାନ ସେମାନେ ପରସ୍ପର ଠାରୁ ଅଲଗା ହୋଇ ଯାଇଛନ୍ତି। ତେଣୁ ସେ ତାଙ୍କ ସ୍ବାମୀଙ୍କର ନାମକୁ ନିଜ ଶରୀରରୁ ହଟାଇବାକୁ ନିଷ୍ପତ୍ତି ନେଇଛନ୍ତି। ସେ ନିକଟରେ ନିଜର ଟାଟୁ ରିମୁଭ କରିଛନ୍ତି। ନିକଟରେ ସେ ତାଙ୍କ ସ୍ୱାମୀ ରିତେଶଙ୍କଠାରୁ ଅଲଗା ହେବା କଥା ଘୋଷଣା କରିଥିଲେ।
ଟାଟୁ ରିମୁଭକୁ ନେଇ ରାଖୀ ଏକ ଭିଡିଓ ନିଜ ଶୋସିଆଲ ମିଡିଆରେ ଛାଡିଛନ୍ତି। ସେ ପ୍ରଥମେ ତାଙ୍କ ପ୍ରଶଂସକମାନଙ୍କୁ ସୂଚନା ଦେଇଛନ୍ତି ଯେ ସେ ଅଣ୍ଟାରୁ ଟାଟୁ କାଢ଼ିବାକୁ ଯାଉଛନ୍ତି। ଟାଟୁ ହଟାଇବାବେଳେ ସେ କହୁଛନ୍ତି, “ରିତେଶ, ବିବାହର ତିନି ବର୍ଷ ପରେ, ତୁମେ ମୋ ଜୀବନ ଏବଂ ମୋ ଶରୀରରୁ ଦୂରେଇ ଯାଇଛ। ସେ ୨୦୧୯ରେ ବିବାହ ଘୋଷଣା କରିବା ଦିନଠାରୁ ରାଖୀ ଏବଂ ରିତେଶଙ୍କ ସମ୍ପର୍କକୁ ନେଇ ବହୁ ଚର୍ଚ୍ଚା ଦେଖାଦେଇଥିଲା। ପ୍ରାୟ ଦୁଇ ବର୍ଷ ଧରି, ରାଖୀଙ୍କ ସ୍ୱାମୀ ଅଛନ୍ତି କି ନାହିଁ ଅନେକ ସନ୍ଦେହ ସୃଷ୍ଟି କରାଯାଇଥିଲା। ଅବଶ୍ୟ, ଶେଷରେ ଏହି ଦମ୍ପତି ବିଗ୍ ବସ୍ ୧୫ରେ ଏକାଠି ଦେଖାଗଲେ ଯେଉଁଠାରେ ବିଶ୍ୱ ପ୍ରଥମ ଥର ପାଇଁ ରିତେଶଙ୍କୁ ଦେଖିଥିଲା।
