ସନଷ୍ଟାର ଟିଭି ବ୍ୟୁରୋ
ଉଦଳା: ଗାଡି ଜବତ ହେଲା, ହେଲେ ପୋଲିସ୍ ଗାଡିକୁ ନେଇ ଥାନାକୁ ଯାଉଥିବା ବେଳେ ପୋଲିସ୍ ଉପସ୍ଥିତିରେ ଗାଡି ଛାଡି ଖସିଗଲେ ଗୋରୁ ବେପାରୀ । ଏଭଳି ଘଟଣା ଘଟିଛି କପ୍ତିପଦା ଥାନା ନୁଦଡିହା ଅଞ୍ଚଳରେ । ନୁଦଡିହା ଅଞ୍ଚଳରେ ଗୋରୁ ଚାଲାଣ ହେଉଥିବା ସ୍ଥାନୀୟ ଯୁବକ ଜାଣିପାରି ଗାଡିକୁ ଅଟକାଇଥିଲେ । ଗାଡି ଅଟକାଇବା ପରେ ସେଥିରେ ୭ ଗୋଟି ଗୋରୁ ରହିଥିବା ଦେଖିପାରି କପ୍ତିପଦା ପୋଲିସ୍କୁ ଖବର ଦେଇଥିଲେ । କପ୍ତିପଦା ପୋଲିସ୍ ନୁଦଡିହାରେ ପହଞ୍ଚି ଗାଡିକୁ ଜବତ କରି କୁକୁରଡିମା-ପେଡାଗଡି ରାସ୍ତା ଦେଇ ଥାନାକୁ ନେଉଥିବା ବେଳେ ଗାଡିର ଡ୍ରାଇଭର ଗାଡି ଅଟକାଇ ବିଚ୍ ରାସ୍ତାରେ ପୋଲିସ୍ ସାମ୍ନାରେ ଖସି ଚାଲିଗଲା । ହେଲେ ପୋଲିସ୍ ଉକ୍ତ ଗାଡିର ଡ୍ରାଇଭରକୁ ଧରିବାରେ ସକ୍ଷମ ହୋଇ ପାରିଲା ନାହିଁ। ଏହି ଘଟଣା ଜଣାପଡିବା ପରେ ସ୍ଥାନୀୟ ଲୋକେ ଗାଡି ନିକଟରେ ପହଞ୍ଚିଥିଲେ । ଏବଂ ପୋଲିସ୍ ଗାଡିକୁ ଥାନାକୁ ନେବା ନିମନ୍ତେ ଅକଳରେ ପଡିଥିଲା । ଉକ୍ତ ପିକଅପରେ ୭ ଗୋଟି ଗୋରୁ ରହିଥିବା ବେଳେ ଏହା ବାହାରକୁ ଚାଲାଣ ହେଉଥିବା କୁହାଯାଉଛି ।( ଆଲୋକ କୁମାର ବେହେରା )
