ସନଷ୍ଟାର ଟିଭି ବ୍ୟୁରୋ
ପୁରୀ: ଆଜି କାଳିଆ ଦର୍ଶନ ବନ୍ଦ। ସୋମବାର ଦଶମୀ ତିଥରେ ଦାରୁବ୍ରହ୍ମଙ୍କୁ ପଇତା ଲାଗି କରାଯିବ । ଏଥିପାଇଁ ଅପରାହ୍ନ ପ୍ରାୟ ୪ଟାରୁ ରାତି ୮ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ ବୋଲି ସୂଚନା ଦିଆଯାଇଛି । ପରମ୍ପରା ଅନୁଯାୟୀ ଦ୍ଵିତୀୟ ଭୋଗ ମଣ୍ଡପ ସରିବା ପରେ ଦଇତାପତି ସେବକ ଶ୍ରୀମନ୍ଦିର ଗର୍ଭଗୃହ ଭିତରକୁ ଯିବେ । ସେଠାରେ ଶ୍ରୀଜୀଉଙ୍କୁ ପଇତାଲାଗି କରାଯିବ । ଏଥିପାଇଁ ଭିତରୁ ଜୟବିଜୟ ଦ୍ଵାର ବନ୍ଦ କରାଯିବ। ପଇତାଲାଗି ପରେ ମହାପ୍ରଭୁଙ୍କ ଦର୍ଶନ ମିଳିବ । ରାତି ୮ଟା ପରେ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିବେ ଶ୍ରଦ୍ଧାଳୁ। ଶ୍ରୀମନ୍ଦିର ପ୍ରଶାସନ ପକ୍ଷରୁ ଏ ସମ୍ପର୍କରେ ସୂଚନା ଦିଆଯାଇଛି ।
