ସନଷ୍ଟାର ଟିଭି ବ୍ୟୁରୋ
ପୁରୀ: ଆଜି ହେଉଛି ପବିତ୍ର ରାମନବମୀ। ଆଜି ରାମନବମୀ ଅବସରରେ ପଡୁଛି ଉଠୁଛି ମହାଦାଣ୍ଡ। ଆଜି ଶ୍ରୀମନ୍ଦିରରେ ଅନୁଷ୍ଠିତ ହେଉଛି ରାମଜନ୍ମ ନୀତି। ଆଜି ଦ୍ବିତୀୟ ଭୋଗ ମଣ୍ଡପରେ ଏହି ନୀତି ଅନୁଷ୍ଠିତ ହେବ। ରାମ ଜନ୍ମ ଠାରୁ ଆରମ୍ଭ କରି ରାବଣ ବଦ୍ଧ ପର୍ଯ୍ୟନ୍ତ ରାମଲୀଳା ନୀତି ଶ୍ରୀମନ୍ଦିରରେ ପାଳନ ହେବ। ତେବେ କରୋନା ମହାମାରୀ ପାଇଁ ପ୍ରାୟ ୨ବର୍ଷ ହେବ ଏହି ପରମ୍ପରା ପାଳନ କରାଯାଇ ପାରୁ ନଥିଲା। କିନ୍ତୁ ଚଳିତ ବର୍ଷ କରୋନା ମହାମାରୀ ରେ ଟିକିଏ ସୂଧାର ଆସିବା ପରେ ଏହି ପରମ୍ପରା ଅନୁଷ୍ଠିତ ହୋଇଛି। ବେଶ ଧୂମଧାମ ସହ ଏହି ପର୍ବ ପାଳନ କରାଯାଉଛି।
ଏଥିପାଇଁ ପୁରୀ ରେ ଆଜି ଶ୍ରଦ୍ଧାଳୁ ମାନଙ୍କର ଭିଡ ଜମିଛି। ଶ୍ରୀଜଗନ୍ନାଥଙ୍କୁ ଦର୍ଶନ କରିବା ପାଇଁ ଆକୁଳ ହୋଇଯାଇଛନ୍ତି ଶ୍ରଦ୍ଧାଳୁ। ତେବେ ଭକ୍ତଙ୍କ ଆଗମନ ପାଇଁ ପୁରୀପ୍ରଶାସନ ସମସ୍ତ ବ୍ୟବସ୍ଥା କରିଥିବା ବେଳେ ମହା ଆଡମ୍ବର ପୂର୍ଣ୍ଣଭାବେ ଏହି ପର୍ବ ପାଳନ କରାଯାଉଛି।
