ତେଜିଲା ନବରାତ୍ରୀରେ ମାଂସ ବ୍ୟାନ ମାମଲା

• ଧର୍ମ ଆଗେ ନା ଜୀବିକା

• ଧର୍ମ ଆଡୁଆଳରେ ବ୍ୟବସାୟୀଙ୍କ ପେଟରେ ଲାତ ମାରୁଛନ୍ତି ସରକାର

•  ହିନ୍ଦୁସ୍ଥାନକୁ ଇସଲାମିକ ଷ୍ଟେଟ ସହ ତୁଳନା କରୁଛି ସରକାର

 ନୂଆଦିଲ୍ଲୀ: ନବରାତ୍ରୀ ହେଉଛି  ହିନ୍ଦୁ ମାନଙ୍କ ପାଇଁ ପର୍ବ। ତେବେ ଏହି ପର୍ବ ୯ ଦିନ ପାଇଁ ପାଳନ କରାଯାଇଥାଏ। ତେବେ ଏହି ପର୍ବ ପାଇଁ ଦିଲ୍ଲୀର ବିଭିନ୍ନ ସ୍ଥାନରେ ମାଂସ ଦୋକାନ ଉପରେ ନିଷେଧାଦେଶ ଜାରି କରାଯାଇଛି। କୁହାଯାଇଛି ବର୍ତ୍ତମାନ ନବରାତ୍ର ଚାଲୁଥିବାରୁ ମାଂସ ବିକ୍ରି କରିପାରିବେ ନାହିଁ ବିକ୍ରେତା। ତେବେ ଏହି ପଦକ୍ଷପକୁ ନିନ୍ଦା କରିଛନ୍ତି ଟିଏମସିର ସାଂସଦ  ମହୁଆ ମୋଇତ୍ରା। ତାଙ୍କ କହିବା ଅନୁସାରେ ସମ୍ବିଧାନ ଦ୍ବାରା ଭାରତୀୟ ନାଗରିକଙ୍କ ମାନଙ୍କୁ ଯେପରି ମାଂସ ଖାଇବାକୁ ସ୍ବାଧୀନତା ଦିଆଯାଇଛି ଠିକ ସେହିପରି ମାଂସ ବିକ୍ରୟ କରୁଥିବା ଦୋକାନୀମାନଙ୍କୁ ମଧ୍ୟ ସେମାନଙ୍କ ବ୍ୟବସାୟ କରିବାକୁ ସ୍ବାଧୀନତା ଦିଆଯାଇଛି। ସେ ନିଜ ଟ୍ବିଟରରେ ପୋଷ୍ଟ କରିଛନ୍ତି ଯେ

 ମୁଁ ଦକ୍ଷିଣ ଦିଲ୍ଲୀରେ ରହେ।ସମ୍ବିଧାନ ମୋତେ ଯେତେବେଳେ ମାଂସ ଖାଇବାକୁ ସ୍ୱାଧୀନତା ଦେଇଛି ଏବଂ ଦୋକାନୀ ତାଙ୍କ ବାଣିଜ୍ୟ ଚଳାଇବାକୁ ମଧ୍ୟ ସ୍ୱାଧୀନତ ଦେବା ଦରକାର।

ସୋମବାର ଦିନ ଦକ୍ଷିଣ ଦିଲ୍ଲୀର ମେୟର ମୁକେଶ ସୁର୍ଯ୍ୟନ ଘୋଷଣା କରିଛନ୍ତି ଯେ ଦେବୀ ଦୁର୍ଗାଙ୍କ ନିକଟରେ ଉତ୍ସର୍ଗୀକୃତ ନବରାତ୍ରିର ଶୁଭ ସମୟ ମଧ୍ୟରେ ତାଙ୍କ ଅଧୀନରେ ଥିବା ସ୍ଥାନରେ ମାଂସ ଦୋକାନ ବନ୍ଦ କରାଯିବା ଉଚିତ ଏବଂ ଏହି ନଅ ଦିନ ମଧ୍ୟରେ ଭକ୍ତମାନେ ମାଂସ, ପିଆଜ ଏବଂ ରସୁଣ ଖାଇବା ଠାରୁ ଦୂରେଇ ରୁହନ୍ତି।  ଆମେ ସମସ୍ତ ମାଂସ ଦୋକାନକୁ କଠୋର ଭାବେ ବନ୍ଦ କରିବୁ।  ଯେତେବେଳେ ମାଂସ ବିକ୍ରି ହେବ ନାହିଁ, ଲୋକମାନେ ମଧ୍ୟ ଏହାକୁ ଖାଇବେ ନାହିଁ ବୋଲି ଦକ୍ଷିଣ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ମେୟର ମଙ୍ଗଳବାର ଦିନ କହିଛନ୍ତି। ଏହାସହ ସେ କହିଛନ୍ତି ଯେପରି ଇସଲାମିକ ଷ୍ଟେଟରେ ରମଜାନର ଉପବାସ ମାସରେ ସର୍ବସାଧାରଣ ସ୍ଥାନରେ ପାଣି ପିଇବା ନିଷେଧ କରାଯାଇଥାଏ।

 ଆମେ ଦିଲ୍ଲୀବାସୀଙ୍କ ଭାବନାକୁ ଧ୍ୟାନରେ ରଖି ଏହି ନିଷ୍ପତ୍ତି ନେଇଛୁ। ଲୋକମାନେ ମୋ ନିକଟରେ ଅଭିଯୋଗ କରିଛନ୍ତି। ଉପବାସରେ ଲୋକମାନେ ମାଂସ କାଟିବାରେ ଅସୁବିଧାର ସମ୍ମୁଖୀନ ହେଉଛନ୍ତି। ଏହା କାହାର ବ୍ୟକ୍ତିଗତ ସ୍ୱାଧୀନତାର ଉଲ୍ଲଂଘନ ନୁହେଁ।ପୂର୍ବ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ (ଇଡିଏମସି) ମେୟର ମଧ୍ୟ ନଅ ଦିନିଆ ପର୍ବ ସମୟରେ ଏହି ଦୋକାନଗୁଡ଼ିକୁ ବନ୍ଦ କରିବାକୁ ଆହ୍ବାନ ଦେଇଛନ୍ତି।  ସେହିପରି ପୂର୍ବ ଦିଲ୍ଲୀର ମେୟର ଶ୍ୟାମ ସୁନ୍ଦର ଅଗ୍ରୱାଲ ଦାବି କରିଛନ୍ତି ଯେ ନବରାତ୍ରୀ ସମୟରେ ୯୦ପ୍ରତିଶତ ଲୋକ ଶାକାହାରୀ ଖାଦ୍ୟ ଖାଇଥାଆନ୍ତି।  କିନ୍ତୁ ଭାରତ ବର୍ଷରେ ସମସ୍ତଙ୍କର ସ୍ବାଧୀନତା ରହିଛି। ଯଦି କାହାର ବ୍ୟବସାୟ ମାଂସ ବିକ୍ରି କରିବା ତେଣୁ ଯଦି ସେ ୯ ଦିନ ନବରାତ୍ରୀ ପାଇଁ ନିଜ ବ୍ୟବସାୟକୁ ବନ୍ଦ କରୁଛି ତେବେ ସେ ତା ଘରକୁ ଚଳାଇବ କେମିତି। ବର୍ତ୍ତମାନ କରୋନାର ସ୍ଥିତି ଟିକିଏ ସୁଧୁରିବା ପରେ ବ୍ୟବସାୟୀ ମାନଙ୍କର ଆର୍ଥିକ ମେରୁଦଣ୍ଡ ସୁଧୁରୁଛି ପୁଣି ଏହି ସମୟରେ ଏପରି ବ୍ୟବସାୟକୁ ବନ୍ଦକରାଇବା ସରକାରଙ୍କ ଦ୍ବାରା ଉଚିତ ପଦକ୍ଷପ ନୁହେଁ ବୋଲି ଆଶା କରାଯାଉଛି। ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ଏସଡିଏମସି ଅଧୀନରେ ପ୍ରାୟ ୧,୫୦୦ପଞ୍ଜୀକୃତ ମାଂସ ଦୋକାନ ଅଛି । ତେବେ ଏହି ନିଷ୍ପତ୍ତି  ନିନ୍ଦନୀୟ ଅଟେ। ଆଗକୁ ସରକାରଙ୍କ ଏହି ନିଷ୍ପତ୍ତି ବିବାଦ ହୋଇ ମୁଣ୍ଡ ଟେକିବ ଏଥିରେ ସନ୍ଦେହ ନାହିଁ।