ସନଷ୍ଟାର ଟିଭି ବ୍ୟୁରୋ
ବସ୍ତା:ବସ୍ତା ବ୍ଲକ ନାଵରା ପଞ୍ଚାୟତ ନହଞ୍ଜରା ଅପର୍ତ୍ତି ପ୍ରଧାନ ପ୍ରାଥମିକ ବିଦ୍ୟାଳୟ ଓ ଉଚ୍ଚପ୍ରାଥମିକ ବିଦ୍ୟାଳୟରେ ଦୁଇ ଶିକ୍ଷକଙ୍କ ଉଦ୍ଦେଶ୍ୟରେ ଅଵସର କାଳୀନ ବିଦାୟ ସମ୍ବର୍ଦ୍ଧନା ପର୍ବ ଅନୁଷ୍ଠିତ ହୋଇଯାଇଛି। ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ମଧୁସୂଦନ ସିଂ ଓ ଉଚ୍ଚପ୍ରାଥମିକ ବିଦ୍ୟାଳୟ ର ସହକାରୀ ଶିକ୍ଷକ ଅଜୟ କୁମାର ବାରିକ ତାଙ୍କର ଶିକ୍ଷକତା ଜୀବନରୁ ଅଵସର ଗ୍ରହଣ କରିଛନ୍ତି। ଏହି ଅଵସରକାଳୀନ ବିଦାୟ ସମ୍ବର୍ଦ୍ଧନା ଉତ୍ସବରେ ଅଵସର ପ୍ରାପ୍ତ ଶିକ୍ଷକ ପ୍ରାଣ କୃଷ୍ଣ ପ୍ରଧାନ ସଭାପତିତ୍ବ କରିଥିବା ବେଳେ, ମୁଖ୍ୟଅତିଥି ଭାବେ ବସ୍ତା ବ୍ଲକର ଅତିରିକ୍ତ ଗୋଷ୍ଠୀ ଶିକ୍ଷାଅଧିକାରୀ ବିଜୟ କୁମାର ଜେନା,ମୁଖ୍ୟବକ୍ତା ଭାବେ ନାଵରା ପଞ୍ଚାୟତର ସରପଞ୍ଚ ନଗେନ୍ଦ୍ର କୁମାର ସିଂ, ସମ୍ମାନିତ ଅତିଥି ଭାବେ ସିଂଲା ସିଆରସିସି ଚାନ୍ଦମୁର୍ମୁ ପ୍ରମୁଖ ଉପସ୍ଥିତ ରହି ଦୁଇ ଶିକ୍ଷକଙ୍କୁ ମାନପତ୍ର, ପୁଷ୍ପଗୁଚ୍ଛ ସହିତ ଉତ୍ତରୀୟ ପ୍ରଦାନ କରିଥିଲେ। ଏହା ସହିତ ତାଙ୍କର ନିଷ୍ଠା ଓ ଆଦର୍ଶ ଶିକ୍ଷକତା ଜୀବନ ବିଷୟରେ ମଧ୍ୟ ଆଲୋକପାତ କରିଥିଲେ। ରମେଶ ଚନ୍ଦ୍ରଗିରି ଅତିଥି ପରିଚୟ ଦେଇଥିବା ବେଳେ ମୋସ୍କୁଲ ଅଭିଯାନର କମିଟି ପକ୍ଷରୁ ସୁରଥ ପ୍ରଧାନ, ସତ୍ୟନାରାୟଣ ପ୍ରଧାନ, ମନ୍ମଥ ଅଣ୍ଡିଆ ସମେତ ସ୍କୁଲ ପରିଚାଳନା କମିଟିର ସଦସ୍ୟ ସଦସ୍ୟା, ଅଭିଭାବକ, ଛାତ୍ରଛାତ୍ରୀ ଉପସ୍ଥିତ ରହିଥିଲେ। ଶେଷରେ ସ୍କୁଲର ଶିକ୍ଷକ ଦିଲ୍ଲୀପ ପରିଡା ଧନ୍ୟବାଦ ଅର୍ପଣ କରିଥିଲେ ।
