ସନଷ୍ଟାର ଟିଭି ବ୍ୟୁରୋ
ଗଞ୍ଜାମ :ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଇନ୍ଧନପୁର ଛକରେ ଆଜି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି। ପିକପ ଭ୍ୟାନ ସହିତ ମୋଟରସାଇକେଲ ଧକ୍କା ରେ ଗୋଟିଏ ପରିବାର ର ତିନିଜଣଙ୍କର ମୃତ ହୋଇଥିବା ବେଳେ ଏହି ଦୁଃର୍ଘଟଣାରେ ଜଣେ୫ ବର୍ଷର ଶିଶୁ ଗୁରୁତର ହୋଇଛନ୍ତି। ଗୁରୁତର ଶିଶୁ କୁ ବ୍ରହ୍ମପୁର ମେଡ଼ିକାଲରେ ଭର୍ତ୍ତି କରାଯାଇଛି। ଅନ୍ୟପଟେ ମୃତ ବ୍ୟକ୍ତି ମାନଙ୍କୁ ଆସିକା ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରାଯାଇଛି। ମୃତ ବ୍ୟକ୍ତି ହେଲେ ମୁନିଗୁଡ଼ା ଗ୍ରାମର ଜୟରାମ ନାୟକ ଓ ତାଙ୍କ ଦୁଇଝିଅ ଲକ୍ଷ୍ମୀ ନାୟକ, ରିଙ୍କି ନାୟକ ହୋଇଥିବା ବେଳେ ଜୟରାମଙ୍କ ନାତି ବିଶ୍ବଜିତ ପାତ୍ର ଗୁରୁତର ହୋଇଥିବା ସୂଚନା ମିଳିଛି। ପରିବାର ଲୋକେ ବାଇକ୍ ଯୋଗେ ଗାଙ୍ଗପୁର ରୁ ନିଜଗାଁ ମୁନିଗୁଡା କୁ ଯାଉଥିଲେ। ଇନ୍ଧନପୁର ଛକଠାରେ ପିକପ୍ ଭ୍ୟାନ୍ ଟି ଭୁଲ୍ ସାଇଟ୍ ରେ ଯାଇ ବାଇକ୍ ଉପରେ ମାଡିଯାଇଛି। ବାଇକ୍ ଆରୋହୀ ବର୍ତ୍ତମାନ ସୁଦ୍ଧା ପିକ୍ପ୍ ଭେନ୍ ତଳେ ପଡିରହିଛନ୍ତି। ଭ୍ୟାନ୍ ଆରୋହୀକୁ ଗ୍ରାମବାସୀ କାବୁକରି ଗାଙ୍ଗପୁର ଥାନାରେ ଜିମାଦେଇଛନ୍ତି। କ୍ଷତି ପୂରଣ ଦାବି ନେଇ ଗ୍ରାମବାସୀଙ୍କ ଏବଂ ଅଞ୍ଚଳବାସି ରାସ୍ତାରେ ଟାୟାର୍ ଜାଳି ରାସ୍ତାରୋକ କରିଥିଲେ। ଜିଲ୍ଲାପାଳ କିମ୍ବା ଉପଜିଲ୍ଲାପାଳ ଆସିଲା ପରେ ଏହାର ନିଷ୍ପତି ହେବ ବୋଲି କହିଛନ୍ତି ଗ୍ରାମବାସୀ । ତେବେ ଗୋଟିଏ ଡ୍ରାଇଭରର ବେପାରୁଆ ଗାଡି ଚାଳଣା ଯୋଗୁଁ ଗୋଟିଏ ପରିବାର ର ତିନି ତିନୋଟି ପ୍ରାଣ ଚାଲିଗଲା । ଏହିପରି ହୃଦୟବିଦାରକ ଘଟଣା ଶୁଣିବା ପରେ ସ୍ଥାନୀୟ ଅଞ୍ଚଳରେ ଶୋକର ବାତାବରଣ ଖେଳିଯାଇଛି।
