ସନଷ୍ଟାର ଟିଭି ବ୍ୟୁରୋ
ମୁନିଗୁଡା:ରାୟଗଡା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ ବୋରିଙ୍ଗପଦର ଗାଁ ନିକଟ ଜଙ୍ଗଲର ଏକ ମହୁଲ ଗଛରେ ବେକରେ ଶାଢି ଲଗାଇ ଦୁଇ ପ୍ରେମୀ ଯୁଗଳ ଆତ୍ମହତ୍ୟା କରିଛନ୍ତି । ମୃତକ ଯୁବକ ଜଣକ ବୋରିଙ୍ଗପଦର ଗାଁ ର ବେଡା ମାଝୀ ଓ ଯୁବତୀ ଜଣକ ଉମ୍ବେର ଗାଁ ର ବାଇଡି ଗୌଡ । ପୂର୍ବରୁ ଯୁବକ ଜଣକ ୩ ବର୍ଷ ତଳେ ଜଣେ ଯୁବତୀଙ୍କୁ ବିବାହ କରିଥିବା ସତ୍ତ୍ବେ ପ୍ରାୟ ଏକ ବର୍ଷ ହେବ ଏହି ଯୋଡୀ୨ ଜଣ ଦୁହେଁ ଦୁହିଁଙ୍କୁ ଭଲ ପାଇ ଆସୁଥିଲେ। କିନ୍ତୁ କେଉଁ କାରଣରୁ ଦୁହେଁ ଆତ୍ମହତ୍ୟା କରିବାକୁ ନିଷ୍ପତି ନେଲେ ତାର କାରଣ ଜଣାପଡିନି । ଗାଁ ର କିଛି ଲୋକ ମହୁଲ ଗୋଟାଇବାକୁ ଯାଇଥିବା ବେଳେ ଗଛରେ ଦୁଇ ମୃତଦେହକୁ ଦେଖି ପୋଲିସ କୁ ଖବର ଦେଇଥିଲେ। ତାହା ମାଓ ଅଞ୍ଚଳ ହୋଇଥିବାରୁ ପୋଲିସ ବହୁ ସତର୍କତାର ସହ ଗାଁ ରେ ପହଞ୍ଚି ୨ ଶବକୁ ଜବତ କରିବା ସହ ତଦନ୍ତ ଜାରି ରଖିଛି ।(ରିର୍ପୋଟ: ରଞ୍ଜନ ସ୍ବାଇଁ)
