ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ରାଜ୍ୟ ସରକାର ଆଜି ଓଏଏସ୍ ସ୍ତରରେ ଛୋଟଧରଣର ଅଦଳବଦଳ କରିଛନ୍ତି। ଏସ୍ସିବି ମେଡିକାଲ କଲେଜ ଓ ହସ୍ପିଟାଲର ରେଜିଷ୍ଟ୍ରାର ( ଆଡ୍ମିନିଷ୍ଟ୍ରେସନ୍ ) ଭାବେ କାର୍ଯ୍ୟ କରୁଥିବା କଳ୍ପତରୁ ବେହେରାଙ୍କୁ କଟକ ମହାନଗର ନିଗମ ( ସିଏମ୍ସି ) ର ଅତିରିକ୍ତ କମିସନର ଭାବେ ବଦଳି କରାଯାଇଛି । ସେହିପରି ସିଏମ୍ସିରେ ଅତିରିକ୍ତ କମିସନର ଭାବେ କାର୍ଯ୍ୟରତ ଅବିନାଶ ରାଉତଙ୍କୁ ଏସ୍ସିବି ରେଜିଷ୍ଟ୍ରାର ( ଆଡମିନିଷ୍ଟ୍ରେସନ ) , ପାରଳାଖେମୁଣ୍ଡି ଉପଜିଲ୍ଲାପାଳ ଦିଲ୍ଲୀପ କୁମାର ମହାରଣାଙ୍କୁ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗର ଓଏସ୍ଡି , ମାଲକାନଗିରି ଆଇଟିଡିଏ ପିଏ କ୍ଷୀରାବ୍ଦୀ ବେହେରାଙ୍କୁ ମାଲକାନଗିରି ଡିଆରଡିଏକୁ ଅତିରିକ୍ତ ପିଡି ( ଆଡ୍ମିନିଷ୍ଟ୍ରେସନ ) , ମୟୂରଭଞ୍ଜ ବିଜିତଲାର ବିଡିଓ ତ୍ରିନାଥ ମାଝୀଙ୍କୁ ମାଲକାନଗିରି ଆଇଟିଡିଏର ପିଏ , ଗଞ୍ଜାମ ଜିଲ୍ଲା ଚିକିଟିରେ ବିଡିଓ ଫାଲ୍ଗୁନି ମାଝୀଙ୍କୁ ଗଜପତି ଜିଲ୍ଲା ଆଇଟିଡିଏର ପିଏ ଭାବେ ନିଯୁକ୍ତି ଦିଆଯାଇଯାଇଥିବା ନେଇ ବିଜ୍ଞପ୍ତି ପ୍ରକାଶ ପାଇଛି ।
