ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ମା ବିରଜାଙ୍କ ଦର୍ଶନ ପାଇଁ ଯାଜପୁର ଯାଇଛନ୍ତି ଭୁବନେଶ୍ବରର ମେୟର ସୁଲୋଚନା ଦାଶ। ନିଜ ପରିବାର ସଦସ୍ୟଙ୍କ ସହ ମା’ଙ୍କ ଦର୍ଶନ ସିଦ୍ଧି ଲାଭ କରିବା ପାଇଁ ସେ ଆଜି ବିରଜାକ୍ଷେତ୍ରରେ ଆସି ପହଞ୍ଚିଛନ୍ତି। ତାଙ୍କୁ ମନ୍ଦିରରେ ମା’ଙ୍କୁ ପୂଜାଅର୍ଚ୍ଚନା କରୁଥିବାର ଦେଖିବାକୁ ମିଳିଛି। ଗଣମାଧ୍ୟମକୁ ସୂଚନା ଦେଇ ସୁଲୋଚନା କହିଛନ୍ତି ଯେ ମେୟର କାର୍ଯ୍ୟଭାର ସମ୍ଭାଳିବା ସହଜ ନୁହେଁ। ଭୁବନେଶ୍ବରବାସୀଙ୍କ ଭରସା ଏବଂ ଆର୍ଶୀବାଦ ଦ୍ବାରା ସେ ଆଜି ମେୟର ଆସନ ବିଜେତା ହୋଇପାରିଛନ୍ତି କିନ୍ତୁ ସେ ମା’ ବିରଜାଙ୍କ ସହ ଯାଜପୁରବାସୀଙ୍କ ଆର୍ଶୀବାଦ ମଧ୍ୟ ଆବଶ୍ୟକ କରୁଛନ୍ତି। ଲୋକଙ୍କ ଆଶା ଓ ଭରସା ସହିତ ଲୋକ ମାନଙ୍କ ପାଇଁ କାର୍ଯ୍ୟ କରିବାକୁ ଚେଷ୍ଟା କରିବେ ବୋଲି ସୁଲୋଚନା ଗଣମାଧ୍ୟମଙ୍କୁ ସୂଚନା ଦେଇଛନ୍ତି।
ସୂଚନାମୁତାବକ ଭୁବନେଶ୍ବର ପ୍ରଥମ ମହିଳା ମେୟର ଭାବରେ ସୁଲୋଚନା ଦାଶ ପୌର ନିର୍ବାଚନ ରେ ବିଜୟୀ ହୋଇଥିଲେ। ତେବେ ବିଜେପିର ସୁନିତୀ ମୁଣ୍ଡ ଏବଂ କଂଗ୍ରେସର ମଧୁସ୍ମିତା ଆଚାର୍ଯ୍ୟଙ୍କୁ ହରାଇଲେ ସୁଲୋଚନା ବିଜୟର ମୁକୁଟ ପିନ୍ଧିଥିଲେ। ମୋଟ ୬୧ ହଜାରରୁ ଅଧିକ ଭୋଟରେ ବିଜୟୀ ହୋଇଥିଲେ ସୁଲୋଚନା।
