ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଚିଲିକା ବିଧାୟକ ପ୍ରଶାନ୍ତ ଜଗଦେବ ଅସୁସ୍ଥ। ବିଧାୟକଙ୍କୁ ମେଡିକାଲକୁ ସ୍ଥାନାନ୍ତରିତ କରାଯାଇଛି। ଗତକାଲି ବିଳମ୍ବିତ ରାତିରେ ବିଧାୟକ ଙ୍କ ସ୍ବାସ୍ଥ୍ୟ ଖରାପ ହେବାରୁ ତାଙ୍କୁ ଭୁବନେଶ୍ବରକୁ ସ୍ଥାନାନ୍ତରିତ କରାଯାଇଛି। ହଠାତ ତାଙ୍କର ସ୍ବାସ୍ଥ୍ୟ ବିଗିଡି ଯିବାରୁ ତାଙ୍କୁ ବାଣପୁର ସବଜେଲରୁ ଭୁବନେଶ୍ବରର କ୍ୟାପିଟାଲ ମେଡିକାଲକୁ ସ୍ଥାନାନ୍ତରିତ କରାଯାଇଛି।ବର୍ତ୍ତମାନ କ୍ୟାପିଟାଲ ମେଡିକାଲରେ ଚିକିତ୍ସିତ ହେଉଛନ୍ତି ଜଗଦେବ। ସୂଚନାମୁତାବକ କିଛି ଦିନ ତଳେ ବିଧାୟକଙ୍କୁ ହସ୍ବିଟାଲରୁ ଡିସଚାର୍ଜ କରାଯାଇଥିଲା। ହସ୍ପିଟାଲ ରୁ ଡିସଚାର୍ଜ ହେବା ପରେ ଚିଲିକା ବିଧାୟକଙ୍କୁ ବାଣପୁର ଉପକାରଗାରକୁ ନିଆଯାଇଥିଲା। ବ୍ଲକ ଅଧ୍ୟକ୍ଷ ନିର୍ବାଚନ ସମୟରେ ବିଧାୟକ ବେପାରୁଆ ଭାବରେ ଭିଡରେ ଗାଡି ଚଳାଇ କିଛି ଲୋକଙ୍କ ଉପରେ ଗାଡି ଚଢ଼ାଇଥିଲେ। ଏହି କାରଣରୁ ବିଧାୟକଙ୍କୁ ଗିରଫ କରାଯାଇଥିଲା।
ତେବେ ଏହି ଘଟଣାରେ ବିଧାୟକଙ୍କୁ ମଧ୍ୟ ବହୁ କ୍ଷତ ଆସିଥିଲା ଯାହା ଫଳରେ ତାଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଥିଲା।
