ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ଗତକାଲି ପ୍ରେକ୍ଷାଳୟରେ ଏସ୍ ରାଜାମୌଲିଙ୍କର ବହୁ ପ୍ରତୀକ୍ଷିତ ଆରଆରଆର ପରଦାକୁ ଆସିଛି। ଯୁନିୟର ଏନଟିଆର ଏବଂ ରାମ ଚରଣଙ୍କ ଅଭିନୀତ ଚଳଚ୍ଚିତ୍ର ବିଷୟରେ ପୂର୍ବରୁ ଖୁବ ଉତ୍କଣ୍ଠା ସୃଷ୍ଟି ହୋଇଥିଲା। ଚଳଚ୍ଚିତ୍ରଟି ରିଲିଜ ହେବା ମାତ୍ରେ ଲୋକମାନେ ଏହାକୁ ଦେଖିବା ପାଇଁ ଭିଡ ଜମାଇଛନ୍ତି। ଏଥି ସହିତ ଏହାର ପ୍ରଥମ ଦିନର ରୋଜଗାର ମଧ୍ୟ ସାମ୍ନାକୁ ଆସିଛି ।ତେବେ ଆସନ୍ତୁ ଜାଣିବା ଚଳଚ୍ଚିତ୍ରଟି ଉଦଘାଟନୀ ଦିନରେ କେତେ କୋଟି ରୋଜଗାର କରିଛି ।
ବାହୁବଲୀ ପରେ ଏସ୍ ରାଜାମୌଲିଙ୍କ ଆରଆରଆର ବକ୍ସ ଅଫିସରେ ଲୋକଙ୍କ ହୃଦୟ ଜିତୁଥିବା ପରି ମନେହୋଇଛି। ସିନେମା ହଲରୁ ବାହାରୁଥିବା ଲୋକମାନେ ଫିଲ୍ମର ପ୍ରଶଂସା କରିବାରେ ଆଦୌ ପଛଉ ନାହାନ୍ତି। ଏହି ଚଳଚ୍ଚିତ୍ରଟି କେବଳ ଭାରତରେ ନୁହେଁ ସମଗ୍ର ବିଶ୍ୱରେ ବମ୍ପର ରୋଜଗାର କରୁଥିବା ପରି ଜଣାଯାଉଛି। ତରନ ଆଦର୍ଶଙ୍କ ଅନୁଯାୟୀ, ଆରଆରଆର ପ୍ରଥମ ଦିନରେ ଭାରତରେ ୧୫୬କୋଟି ଟଙ୍କା ରୋଜଗାର କରିଛି, ଯାହା ବାସ୍ତବରେ ବହୁତ ଭଲ ସଂଗ୍ରହ ଅଟେ। ଆମେରିକା, କାନାଡା ଏବଂ ଆମେରିକା ଭଳି ଦେଶରେ ମଧ୍ୟ ଏହି ଫିଲ୍ମ ଭଲ ଟଙ୍କା କମାଉଛି।
