ପ୍ରଚାରର ଶେଷ ଦିନରେ ସିନେ କଳାକାରଙ୍କ ଛୁଙ୍କ

ସନଷ୍ଟାର ଟିଭି ବ୍ୟୁରୋ

ଉଦଳା :ଆଜି ହେଉଛି ନିର୍ବାଚନ ପ୍ରଚାରର ଶେଷ ଦିନ । ଆଜି ସନ୍ଧ୍ୟାରେ ଲାଗିବ ନିର୍ବାଚନୀ ପ୍ରଚାର ଉପରେ ରୋକ । ଏଭଳିସ୍ଥଳେ ଉଦଳା ଏନଏସିରେ ଶେଷ ଦିନରେ ଶକ୍ତି ପ୍ରଦର୍ଶନ କରିଛି ବିଜୁ ଜନତା ଦଳ । ବିଜୁ ଜନତା ଦଳ ପକ୍ଷରୁ ଏକ ରୋଡ ଶୋ ଅନୁଷ୍ଠିତ ହୋଇଛି । ଓଲିଉଡ ଅଭିନେତ୍ରୀ ପୁନମ ଏହି ରୋଡ ଶୋ ରେ ରହି ବିଜୁ ଜନତା ଦଳ ନିମନ୍ତେ ପ୍ରଚାର କରିଥିଲେ । ଖୋଲା ଗାଡିରେ ଓଲିଉଡ ଅଭିନେତ୍ରୀ ପୁନମଙ୍କ ସମେତ ପୂର୍ବତନ ବିଧାୟକ ଶ୍ରୀନାଥ ସୋରେନ୍‌, ଉଠା ଜଳସେଚନ ନିଗମ ଅଧ୍ୟକ୍ଷ ଅମରେଶ ପତ୍ରୀଙ୍କ ସମେତ ବିଜୁ ଜନତା ଦଳର ଚେୟାରମ୍ୟାନ୍ ପ୍ରାର୍ଥୀ ରଞ୍ଜିତା ବାନାର୍ଜୀ ଏବଂ ସମସ୍ତ ୱାର୍ଡର କାଉନସିଲର ପ୍ରାର୍ଥୀ ରୋଡ ଶୋ ରେ ସାମିଲ ହୋଇଥିଲେ । ୧୨ ଗୋଟି ୱାର୍ଡରେ ରୋଡ ଶୋ କରାଯାଇଥିବା ବେଳେ ଶହ ଶହ ବିଜୁ ଜନତା ଦଳର କର୍ମୀ ଏଥିରେ ସାମିଲ ହୋଇଥିଲେ । ସୂଚନାମୁତାବକ ଆସନ୍ତା ୨୪ ତାରିଖରେ ପୌର ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଯାହାକୁ ନେଇ ୩ପ୍ରମୁଖ ଦଳ ପ୍ରଚାର ଜୋର ସୋର କରିଛି। (ରିର୍ପୋଟ: ଆଲୋକ କୁମାର ବେହେରା)