ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ଗାନ୍ଧିନଗରସ୍ଥିତ ତାଙ୍କ ବାସଭବନରେ ତାଙ୍କ ମା ହିରାବେନ ମୋଦୀଙ୍କୁ ଭେଟିଛନ୍ତି। ସେ ତାଙ୍କ ମାଙ୍କ ସହ ରାତ୍ରୀ ଭୋଜନ କରିଥିଲେ। ପିଏମ ମୋଦୀ ଦୁଇ ଦିନିଆ ରାଜ୍ୟ ଗସ୍ତରେ ଗୁଜୁରାଟରେ ଆସିଛନ୍ତି। ଶୁକ୍ରବାର ଦିନ ପ୍ରଧାନମନ୍ତ୍ରୀ ଅହମ୍ମଦାବାଦରେ ଗୁଜରାଟ ପଞ୍ଚାୟତ ମହାସମ୍ମେଳନଙ୍କୁ ସମ୍ବୋଧିତ କରିଛନ୍ତି । ଏହାସହ ପ୍ରଧାନମନ୍ତ୍ରୀ ଏକ ରୋଡ୍ ସୋ ମଧ୍ୟ କରିଥିଲେ। ଲୋକ ମାନଙ୍କୁ ଭେଟି ମୋଦୀ କହିଛନ୍ତି ଲୋକଙ୍କ ସ୍ନେହ ମୋତେ ନମ୍ର କରିଛି, ଏହି ସମର୍ଥନ ଏବଂ ଉତ୍ସାହ ଆମ ନାଗରିକଙ୍କ ସେବାରେ ଆହୁରି କଠିନ ପରିଶ୍ରମ କରିବାକୁ ପ୍ରେରଣା ଯୋଗାଉଛି। ଚଳିତ ବର୍ଷ ଶେଷରେ ମତଦାନ ଥିବାରୁ ପ୍ରଧାନମନ୍ତ୍ରୀ ମୋଦୀଙ୍କ ଏହି ଗସ୍ତ ଗୁରୁତ୍ୱପୂର୍ଣ୍ଣ।
