ସମ୍ମାନିତ ହେଲେ ସାଇ ଶୁଭମ

ସନଷ୍ଟାର ଟିଭି ବ୍ୟୁରୋ

ରିର୍ପୋଟ:Magic book of record ତରଫରୁ ପ୍ରତି ବର୍ଷ ଦେଶର ବିଭିନ୍ନ କୋଣ ଅନୁକୋଣ ରୁ ବିଭିନ୍ନ ବିଭାଗରେ ପ୍ରତିଭା ମାନଙ୍କୁ ସମ୍ମାନିତ କରାଯାଏ। ଚଳିତ ବର୍ଷ ଶ୍ରେଷ୍ଠ ସମାଜ ସେବୀ ସମ୍ମାନ ଓଡ଼ିଶାର କିଛି ପ୍ରତିଭା ମାନଙ୍କୁ ମିଳିବ ସହ ନୟାଗଡ ଜିଲ୍ଲାର ସାଇ ଶୁଭମ ତନ୍ମଧ୍ୟରେ ବିଶେଷ ସ୍ଥାନ ଅଳଙ୍କୃତ କରିଛନ୍ତି। ସେ ପ୍ରତିଯୋଗିତା ପ୍ରମାଣ ପତ୍ର ଓ ଭାରତୀୟ ଅଶୋକ ସ୍ତମ୍ବ ଚିହ୍ନିତ ଟ୍ରଫି ସହ ସ୍ୱତନ୍ତ୍ର ପଦକ ପାଇଛନ୍ତି।

ସାଇ ଶୁଭମ ଚଳିତ ବର୍ଷ ନିଜର ସହଯୋଗୀଙ୍କ ସହ ମିଶି ଅନେକ ସମାଜ ମଙ୍ଗଳ କାର୍ଯ୍ୟକ୍ରମ କରିଥିଲେ। ଯଥା ସ୍ଵେଚ୍ଛାକୃତ ରକ୍ତ ଦାନ ଶିବିର, ବୃକ୍ଷରୋପଣ,ଚରାବଣ୍ଟନ ଓ ଅନେକ ସାମାଜିକ ସଚେତନତା କାର୍ଯ୍ୟକ୍ରମ କରି ଜିଲ୍ଲା ରେ ଅଗ୍ରଣୀ ସ୍ଥାନ ଗ୍ରହଣ କରିଛନ୍ତି। ଯାହଫଳରେ ତାଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି।