ପ୍ରତିବନ୍ଧକ ଲଗାଇଲା ୟୁଟ୍ୟୁବ

ସନଷ୍ଟାର ଟିଭି ବ୍ୟୁରୋ

ନୂଆଦିଲ୍ଲୀ: ୟୁକ୍ରେନ ଉପରେ ଆକ୍ରମଣକୁ ନେଇ ରୁଷ୍ ଉପରେ ବିଶ୍ୱବ୍ୟାପୀ ବିଭିନ୍ନ ରାଷ୍ଟ୍ର ଓ ପ୍ରତିଷ୍ଠାନ ପ୍ରତିବନ୍ଧକ ଲାଗୁ କରିଚାଲିଛନ୍ତି । ଯୁଦ୍ଧ ଲାଗି ରହିଥିବାବେଳେ ଦିନକୁ ଦିନ ଅଧିକ ରୁଷ୍ ଉପରେ କଟକଣା ବଢିବାରେ ଲାଗିଛି । ଏହି କ୍ରମରେ ସାମାଜିକ ଗଣମାଧ୍ୟମ ୟୁଟ୍ୟୁବ୍ ପକ୍ଷରୁ ରୁଷର ଗଣମାଧ୍ୟମ ସଂସ୍ଥାଗୁଡିକର ପ୍ରଚାର ପ୍ରସାର ଉପରେ କଟକଣା ଲାଗୁ କରାଯାଇଛି। ମନିଟାଇଜେସନ୍ ଉପରେ ପ୍ରତିବନ୍ଧକ ଲଗାଇଛି ୟୁଟ୍ୟୁବ । ରୁଷର ଗଣମାଧ୍ୟମ ସଙ୍ଗଠନ ଆରଟି ଓ ଅନ୍ୟ ରୁଷ ଚାନେଲ ଉପରେ ୟୁଟ୍ୟୁବ ପ୍ରତିବନ୍ଧକ ଲଗାଇଛି । ଗୁଗଲ ମଧ୍ୟ ଏହାର ସମସ୍ତ ପ୍ଲାଟଫର୍ମରେ ରୁଷର ବିଜ୍ଞାପନ ବିଷୟବସ୍ତୁଗୁଡ଼ିକୁ  ମନିଟାଇଜ କରିବା ପାଇଁ ମନା କରିଥିବା ଜଣାପଡ଼ିଛି । ଏକ ଜାତୀୟ ଗଣମାଧ୍ୟମରେ ଏନେଇ ସୂଚନା ଦିଆଯାଇଛି । ଗଣମାଧ୍ୟମ ରିପୋର୍ଟ ଅନୁଯାୟୀ , ଡିସେମ୍ବର ୨୦୧୮ ପର୍ଯ୍ୟନ୍ତ ଦୁଇବର୍ଷ ମଧ୍ୟରେ ୨୬ଟି ୟୁଟ୍ୟୁବ ଚ୍ୟାନେଲରେ ବିଜ୍ଞାପନରୁ ରୁଷ୍ ୭ ନିୟୁତରୁ ୩୨ ନିୟୁତ ଡଲାର ଲାଭ କରିଛି । ତେବେ ୟୁଟ୍ୟବ ରୁ ଏଭଳି ପଦକ୍ଷପ ୠଷ ପାଇଁ ବହୁ ଖରାପ ସାବ୍ୟସ୍ଥ ହୋଇପାରେ।