ସନଷ୍ଟାର ଟିଭି ବ୍ୟୁରୋ
ନୂଆପଡ଼ା :ନୂଆପଡ଼ା ଜିଲ୍ଲା ଖଡ଼ିଆଳ ପୋଲିସକୁ ବଡ ସଫଳତା। ୭୪କେଜି ଗଞ୍ଜେଇ ଜବତ ସହ ଜଣଙ୍କୁ ଗିରଫ କରିଛି ଦିଗପହଣ୍ଡି ପୋଲିସ । ଖଡ଼ିଆଳ ପୋଲିସ ରାତ୍ରିରେ ପେଟ୍ରୋଲିଙ୍ଗ କରୁଥିବା ସମୟରେ ବେଆଇନ ଭାବେ ଗଞ୍ଜେଇ ଚୋରାଚାଲାଣ କରୁଥିବା ବେଳେ ପୋଲିସ ଚଢ଼ାଉ କରି ଗଞ୍ଜେଇକୁ ଜବତ କରିଥିଲା । ଗଞ୍ଜେଇ ଜବତ କରାଯାଇ ଜଣେ ବ୍ୟକ୍ତିଙ୍କୁ ଗିରଫ ମଧ୍ୟ କରାଯାଇଛି।
ସୂଚନା ଅନୁସାରେ ପୋଲିସ ଥାନା ଅଧିକାରୀ ଓ ପୋଲିସ କର୍ମଚାରୀ ମାନେ ରାତ୍ରି ପାଟ୍ରୋଲିଂ କରୁଥିବା ବେଳେ ଏକ ୱ୍ବାଗନର କାର ପୋଲିସ ଗାଡିକୁ ଦେଖି ଭୟରେ କଣ୍ଟାବାଞ୍ଜି ରାସ୍ତାରେ ପଳାଉଥିଲା । ପୋଲିସ ଟିମ୍ ଗାଡିକୁ ସନ୍ଦେହ କରି ପିଛା କରିଥିଲ। ଗାଡ଼ିଟି ଦୃତ ଗତିରେ ଥିବାରୁ ଭାରସାମ୍ୟ ହରାଇ ଅମଲାପାଲି ବୁଲାଣି ପାଖରେ ଓଲଟି ପଡିଥିଲା। ଏହା ପରେ ଘଟଣାସ୍ଥଳରୁ ଡ୍ରାଇଭର ଚମ୍ପଟ ମାରିଥିବା ବେଳେ ଗାଡିରେ ଥିବା ସଞ୍ଜୟ କୁମାର ପୋଲିସ ହାତରେ ଧରାପଡିଥିଲା। ଗିରଫ ସଞ୍ଜୟଙ୍କ ଘର ଉତ୍ତରପ୍ରଦେଶ ବୋଲି ଜଣାପଡିଛି । ପୋଲିସ ଉକ୍ତ ବ୍ୟକ୍ତିଙ୍କୁ ଥାନାରେ ଅଟକ ରଖିଛି । ଗାଡି ଭିତରେ ଥିବା ୪ ବସ୍ତା ଗଞ୍ଜେଇକୁ ପୋଲିସ ଜବତ କରିଛି । ଜବତ ହୋଇଥିବା ଗଞ୍ଜେଇ ମୋଟ ୭୪କେଜି ଗଞ୍ଜେଇ ରହିଥିବା ବେଳେ ଗଞ୍ଜେଇର ବଜାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି । ଏନେଇ ଖଡ଼ିଆଳ ଥାନାରେ କେଶ ନମ୍ବର ୬୨/୨୨ରେ ଏକ ମାମଲା ରୁଜୁ କରି ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ନେଇ ଅତିରିକ୍ତ ଆରକ୍ଷୀ ଅଧିକ୍ଷକ ସୁନିଲ କୁମାର ଆଚ୍ଚlର୍ଯ୍ୟ ଏକ ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି।
