ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି :ପୂର୍ବତନ ଚାନ୍ଦବାଲି ବ୍ଲକର କଂଗ୍ରେସ ସଭାପତି ତଥା ବରିଷ୍ଠ କଂଗ୍ରେସ ନେତା ହରେନ୍ଦ୍ର ମାଇତି ଙ୍କ ପରଲୋକ ଘଟିଛି। ଗତକାଲି ଭୁବନେଶ୍ୱର ର ଏକ ଘରୋଇ ହସ୍ପିଟାଲ ରେ ଚିକିତ୍ସାଧୀନ ଅବସ୍ଥାରେ ତାଙ୍କର ହୃଦଘାତ ହୋଇଥିବାରୁ ହରେନ୍ଦ୍ର ମାଇତି ଙ୍କର ଦେହାନ୍ତ ଘଟିଛି l ଆଜି ତାଙ୍କର ମର ଶରୀରକୁ ଚାନ୍ଦବାଲି ସ୍ଥିତ ବାସଭବନରେ ପହଞ୍ଚିବା ପରେ ବହୁ ବରିଷ୍ଠ ବ୍ୟକ୍ତି, ରାଜନେତା ଏବଂ କଂଗ୍ରେସ ର ନେତା ମାନେ ପହଞ୍ଚି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଶେଷ ଦର୍ଶନ କରିଛନ୍ତି l ସେ ତାଙ୍କର ରାଜନୈତିକ ଜୀବନ କଂଗ୍ରେସ ଦଳ ରୁ ଆରମ୍ଭ କରିଥିବା ସହ ଶ୍ରୀ ମାଇତି ଚାନ୍ଦବାଲି ରେ ଜଣେ ସଫଳ ବ୍ୟବସାୟୀ ହୋଇଥିବା ବେଳେ ଜୀବନ ର ଶେଷ ପର୍ଯ୍ୟନ୍ତ କଂଗ୍ରେସ ଦଳ ରେ ରହି ସକ୍ରିୟ ରାଜନୀତି କରିଥିଲେ l ଆଜି ତାଙ୍କ ମର ଶରୀର କୁ ଏକ ଶୋଭାଯାତ୍ରା ରେ ଚାନ୍ଦବାଲି ବଜାର ପରିକ୍ରମା କରାଯାଇ କଂଗ୍ରେସ କାର୍ଯ୍ୟାଳୟ ଠାରେ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି l ମୃତ୍ୟୁ ବେଳେ ତାଙ୍କର ପୁରା ପରିବାର ଉପସ୍ଥିତ ଥିଲେ l ହରେନ୍ଦ୍ର ମାଇତି ଙ୍କ ବିୟୋଗ ଚାନ୍ଦବାଲି କଂଗ୍ରେସ ଦଳ ର ଏକ ଅପୂରଣୀୟ କ୍ଷତି ବୋଲି ପ୍ରକାଶ କରିଛନ୍ତି ବରିଷ୍ଠ କଂଗ୍ରେସ ନେତା ନୁର ମହମ୍ମଦ ଇସ୍ମାଇଲ l(ରିପୋର୍ଟ:ପ୍ରଶାନ୍ତ କୁମାର ପାଣି)
