ସନଷ୍ଟାର ଟିଭି ବ୍ୟୁରୋ
ଉଦଳା :ଏମିତି ବି ଆସେ ମୃତ୍ୟୁ । ନାଟକର ଶେଷ ଗୀତ ପାଲଟିଲା ଜୀବନର ଶେଷ ଗୀତ । ନାଟକର ଶେଷ ଗୀତ ଗାଉଥିବା ବେଳେ ଟଳିପଡିଲେ ଗାୟକ । ଏଭଳି ଘଟଣା ଦେଖିବାକୁ ମିଳିଛି ଉଦଳାରେ ଚାଲିଥିବା ତୁଳସୀ ଗଣନାଟ୍ୟର ଯାତ୍ରାରେ । ଗତକାଲି ଉଦଳା ବସଷ୍ଟାଣ୍ଡ ନିକଟରେ ଚାଲିଥିବା ତୁଳସୀ ଗଣନାଟ୍ୟର ନାଟକରେ ଗୀତ ଗାଉଥିଲେ ଯାତ୍ରା ପାର୍ଟିର ଗାୟକ ସଞ୍ଜୟ କୁମାର ପାତ୍ର । ନାଟକ ଶେଷ ହୋଇଥିବା ବେଳେ ନାଟକର ଶେଷ ଗୀତ ଗାଉଥିବା ବେଳେ ହଠାତ୍ ଛାତିରେ ହୋଇଥିଲା ଯନ୍ତ୍ରଣା ଏବଂ ସେହିଠାରେ ଟଳି ପଡିଥିଲେ ଗାୟକ ସଞ୍ଜୟ । ତୁରନ୍ତ ତାଙ୍କୁ ସହକର୍ମୀ ଏବଂ ଯାତ୍ରା କମିଟିର ସଦସ୍ୟମାନେ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ହୃଦଘାତରେ କିମ୍ବା କେଉଁ କାରଣରୁ ତାଙ୍କର ମୃତ୍ୟୁ ହେଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନ ଥିବା ବେଳେ ପୋଲିସ୍ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ବରଷା ରାତିକୁ ଭରସା ନାହିଁ ନାଟକର ଶେଷ ଗୀତ ଗାଉଥିବା ବେଳେ ତାହା ଜୀବନର ଶେଷ ଗୀତ ପାଲଟିଯିବ କେହି କେବେ ଭାବନା ବି କରି ନ ଥିବା ବେଳେ ଏହାକୁ ନେଇ ଶୋକର ଛାୟା ଖେଳିଯାଇଛି ।(ଆଲୋକ କୁମାର ବେହେରା)
