ସନଷ୍ଟାର ଟିଭି ବ୍ୟୁରୋ
ଉଦଳା :ବିଳମ୍ବିତ ରାତିରେ ଘଟିଯାଇଛି ଦୁର୍ଘଟଣା । ଏକ ଯାତ୍ରୀବାହୀ ବସ୍ ଦୋକାନ ଘର ଭିତରକୁ ପଶିଯାଇଛି । ଏଭଳି ଘଟଣା ଘଟିଛି ଉଦଳା-ବାରିପଦା ରାଜ୍ୟ ରାଜପଥର ବୃନ୍ଦାଗଡି ଛକ ନିକଟରେ । ସାରସକଣା ରୁ ଭରବଙ୍କନଶ୍ୱର ଭାୟା ଉଦଳା ହୋଇ ଯାଉଥିବା ସାଇ ଶଙ୍କର ନାମକ ଯାତ୍ରୀବାହୀ ବସ୍ ଦୁର୍ଘଟଣା ଗସ୍ତହୋଇଛି। ବୃନ୍ଦାଗଡି ଛକ ନିକଟରେ ଜଣେ ବାଇକ୍ ଆରୋହୀ ସାମ୍ନାକୁ ଚାଲି ଆସିବାରୁ ତାଙ୍କୁ ବଂଚାଇବାକୁ ଚେଷ୍ଟା କରି ଏପରି ଅଘଟଣ ଘଟିଥିବାର ସୂଚନାମିଳିଛି। ହେଲେ ବାଇକ୍ ଆରୋହୀଙ୍କୁ ଧକ୍କା ଦେବା ସହିତ ବସ୍ଟି ରାସ୍ତା ପାଶ୍ୱର୍ରେ ଥିବା ଏକ ଦୋକାନ ଘର ଭିତରକୁ ପଶିଯାଇଥିଲା । ଯାହାଫଳରେ ବସରେ ଥିବା ଦୁଇ ଜଣ ଯାତ୍ରୀ, ଡ୍ରାଇଭର ଆହତ ହୋଇଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିବା ବାଇକ୍ ଆରୋହୀଙ୍କ ଅବସ୍ଥା ଗୁରୁତର ରହିଛି । ଗୁରୁତର ବାଇକ୍ ଆରୋହୀ ଜଣକ ହେଲେ ଉଦଳା ଥାନା ଅଣ୍ଡିଆମୁଣ୍ଡି ଗ୍ରାମର ଲକ୍ଷ୍ମଣ ଚରଣ ମୁର୍ମୁ । ତାଙ୍କର ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ଚିକିତ୍ସା ନିମନ୍ତେ ବାରିପଦା ସ୍ଥାନାନ୍ତର କରାଯାଇଛି । ତେବେ ପୋଲିସ୍ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି।(ରିର୍ପୋଟ:ଆଲୋକ କୁମାର ଵେହେରା)
