ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି: ଚାନ୍ଦବାଲି ଏନ. ଏ. ସି ଅନ୍ତର୍ଗତ ବିନତରା ଗ୍ରାମରେ ନୂତନ ଜଗନ୍ନାଥ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ଜଗନ୍ନାଥ ଧାମ ପୁରୀ ରୁ ଆସିଥିବା ପଣ୍ଡିତ ମାନଙ୍କ ଦ୍ୱାରା ଯଜ୍ଞ ତଥା ନୂତନ ମନ୍ଦିର ପ୍ରତିଷ୍ଠା କାର୍ଯ୍ୟ ସମ୍ପୂର୍ଣ୍ଣ କରାଯାଇଛି । ଏହି ନୂତନ ମନ୍ଦିର ରେ ମହାପ୍ରଭୁ ଜଗନ୍ନାଥ ଏବଂ ମା ଲକ୍ଷ୍ମୀ ଏବଂ ପାର୍ଶ୍ଵ ଦେବା ଦେବୀ ରହିଛନ୍ତି । ବିନତରା ତଥା ଏହାର ଆଖ ପାଖ ଗ୍ରାମବାସୀଙ୍କ ଉଦ୍ୟମ ଏବଂ ବହୁ ବ୍ୟକ୍ତି ଙ୍କ ସହଯୋଗ ରେ ମନ୍ଦିର କାର୍ଯ୍ୟଟି ସମ୍ପୂର୍ଣ୍ଣ କରାଯାଇଥିବା କଥା କହିଛନ୍ତି ବରିଷ୍ଠ ଗ୍ରାମବାସୀ ଅଭିମନ୍ୟୁ ଖୁଣ୍ଟିଆ। ତିନି ଦିନ ଧରି ଅନୁଷ୍ଠିତ ଏହି ଉତ୍ସବ ରେ ଯଜ୍ଞ, ସଂକୀର୍ତ୍ତନ,ପ୍ରବଚନ କାର୍ଯ୍ୟକ୍ରମ ହେବା ସହିତ ପ୍ରସାଦ ସେବନ ପାଇଁ ଆନନ୍ଦ ବଜାରର ମଧ୍ୟ ବ୍ୟବସ୍ଥା କରାଯାଇଛି।ଏଠାକୁ ପ୍ରତିଦିନ ବହୁ ଶ୍ରଦ୍ଧାଳୁ ମାନଙ୍କର ଆଗମନ ହେବା ସହ ପୁରା ଗାଁ ରେ ଭକ୍ତିର ମାହୋଲ ସୃଷ୍ଟି ହୋଇଛି l(ରିପୋର୍ଟ :ପ୍ରଶାନ୍ତ କୁମାର ପାଣି)
