ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଆଜି ସକାଳେ ଆଫଗାନିସ୍ତାନ-ତାଜିକିସ୍ତାନ ସୀମାନ୍ତରେ ୫.୭ ମ୍ୟାଗ୍ନିଚ୍ୟୁଡର ଭୂକମ୍ପ ଅନୁଭୂତ ହୋଇଛି। ପରେ ଜାମ୍ମୁ କାଶ୍ମୀର, ଦିଲ୍ଲୀ ଏବଂ ନିକଟବର୍ତ୍ତୀ ସହରରେ କମ୍ପନ ଅନୁଭୂତ ହୋଇଥିଲା। ଉତ୍ତରପ୍ରଦେଶର ନୋଏଡାର କିଛି ବାସିନ୍ଦା ଅତି କମରେ ୨୦ ସେକେଣ୍ଡ ପାଇଁ ଭୂମିକମ୍ପ ଅନୁଭବ କରିଛନ୍ତି। ଦିଲ୍ଲୀର ଲୋକମାନେ ମଧ୍ୟ ଟ୍ୱିଟ୍ କରି କହିଛନ୍ତି ଯେ ସେମାନେ କମ୍ପନ ଅନୁଭବ କରିଛନ୍ତି।
ଲୋକ ଭାବୁଥିଲେ ତାଙ୍କର ମୁଣ୍ଡ ବୁଲାଉଛି ବୋଲି। ନୋଏଡା ଠାରେ ପ୍ରାୟ ୨୫-୩୦ ସେକେଣ୍ଡ ପର୍ଯ୍ୟନ୍ତ ପ୍ରବଳ କମ୍ପନ ହୋଇଥିଲା।
ଆଫଗାନିସ୍ତାନ-ତାଜିକିସ୍ତାନ ସୀମାନ୍ତ ଅଞ୍ଚଳରେ ସକାଳ ୯: ୪୫ ରେ ୫.୭ ମ୍ୟାଗ୍ନିଚ୍ୟୁଡର ଭୂକମ୍ପରେ ନ୍ୟାସନାଲ ସେଣ୍ଟର ଫର ସେସମୋଲୋଜି ଟ୍ୱିଟ୍ କରିଛି। ଭୂକମ୍ପର ଗଭୀରତା ୧୮୧ କିଲୋମିଟର ଥିଲା ବୋଲି ଏଥିରେ କୁହାଯାଇଛି। ଏଥିରେ କୌଣସି ଧନଜୀବନ ନଷ୍ଟ ହୋଇନାହିଁ ବୋଲି ସୂଚନାମିଳିଛି।
