ସନଷ୍ଟାର ଟିଭି ବ୍ୟୁରୋ
ଭଦ୍ରକ: ଚନ୍ଦନପୁର ଛକ ରେ ସଡ଼କ ଦୁର୍ଘଟଣା । ଷଣ୍ଢ ଠାରୁ ବଞ୍ଚି କାର କୁ ପିଟିଲେ ବାଇକ ଆରୋହୀ। ଭଦ୍ରକ -ଚାନ୍ଦବାଲି ମୁଖ୍ୟରାସ୍ତା ଚନ୍ଦନପୁର ଠାରେ ଆଜି ସକାଳୁ ରାସ୍ତା ଉପରେ ଛିଡା ହୋଇଥିବା ଏକ ବୁଲା ଷଣ୍ଢ ଠାରୁ ବଞ୍ଚିବାକୁ ଯାଇ ବାଇକ ଟି ଏକ କାର ସହ ଧକ୍କା ହୋଇଛି। ତେବେ ବାଇକ ଆରୋହୀ ଜଣକ ଭଦ୍ରକ ଗୋପାଳିବିନ୍ଧା ଅଞ୍ଚଳର ଦିବାକର ଜେନାଙ୍କ ପୁଅ ସତ୍ୟବ୍ରତ ଜେନା ବୋଲି ଜଣାପଡିଛି। ଘଟଣା ସ୍ଥଳରୁ ଆହତ ଯୁବକ ଙ୍କୁ ସ୍ଥାନୀୟଲୋକ ମାନଙ୍କ ଦ୍ବାରା ଉଦ୍ଧାର କରାଯାଇ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଛନ୍ତି । ଆହତ ଯୁବକ ଜଣକ ସ୍ଥାନୀୟ ଚାନ୍ଦବାଲି ତହସିଲ କାର୍ଯ୍ୟାଳୟ ନିର୍ମାଣଧୀନ କୋଠାରେ ମାର୍ବଲ କାରିଗର ଭାବେ କାର୍ଯ୍ୟ କରୁଥିବା ଜଣାପଡିଛି। (ରିପୋର୍ଟ:ପ୍ରଶାନ୍ତ କୁମାର ପାଣି)
