ସନଷ୍ଟାର ଟିଭି ବ୍ୟୁରୋ
ପୁରୀ : ଆଜିଠାରୁ ଭକ୍ତଙ୍କୁ ମିଳିବ କାଳିଆ ଦର୍ଶନ । ରବିବାର ବ୍ୟତୀତ ଅନ୍ୟଦିନ ଗୁଡ଼ିକରେ ସକାଳ ୬ରୁ ରାତି ୯ଟା ପର୍ଯ୍ୟନ୍ତ ଶ୍ରଦ୍ଧାଳୁମାନେ ଠାକୁରଙ୍କୁ ଦର୍ଶନ କରିବେ । ତେବେ କରୋନା କଟକଣା ମଧ୍ୟରେ ଖୋଲିଛି ଶ୍ରୀମନ୍ଦିର। ଏହାସହ କୋଭିଡ ନିୟମ ପାଳନ କରିବାକୁ ନିଷ୍ପତ୍ତି ନିଆଯାଇଛି। ମାସ୍କ ପିନ୍ଧି ନ ଥିଲେ ଶ୍ରୀମନ୍ଦିରରେ ପ୍ରବେଶ ପାଇଁ ଅନୁମତି ଦିଆଯିବ ନାହିଁ । ଦର୍ଶନ ପାଇଁ ଯିବାବେଳେ କରୋନା କଟକଣା କଡ଼ାକଡ଼ି କାର୍ଯ୍ୟକାରୀ କରାଯିବ ବୋଲି କୁହାଯାଇଛି । ପୁରୀ ସହରବାସୀ ପଶ୍ଚିମଦ୍ଵାର ଦେଇ ଗତି କରିବେ। ଏବଂ ଅନ୍ୟମାନେ ସିଂହଦ୍ଵାର ଦେଇ ଶ୍ରୀମନ୍ଦିରରେ ପ୍ରବେଶ କରିବେ । ଏହାସହ ସାମାଜିକ ଦୂରତ୍ବ କଟକଣା ପାଳନ କରିବାକୁ କୁହାଯାଇଛି । ତେବେ ଏତେ ଦିନ ପରେ ଶ୍ରଦ୍ଧାଳୁ ମାନେ ଜଗା ଦର୍ଶନ କରିଛନ୍ତି।
