ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ରାଜ୍ୟରେ ପଞ୍ଚାୟତ ନିର୍ବାଚନୀ ହଓ୍ବା ଚାଲିଥିବା ବେଳେ ନିର୍ବାଚନ ବୈତରଣୀ ପାର ହେବା ପାଇଁ ସବୁ ଦଳ ନିଜ ରଣନୀତି ପ୍ରସ୍ତୁତ କରିସାରିଲେଣି। ତେବେ ଏହି ସମୟରେ ବିଜେଡି ମଧ୍ୟ ଆହୁରି ଶକ୍ତିଶାଳୀ ହେବାରେ ଲାଗିଛି। ବିଜେଡିକ କୁ ଆହୁରି ଶକ୍ତିଶଳୀ କରିବା ପାଇଁ ବିଭିନ୍ନ ଦଳ ଛାଡି ଅନ୍ୟ ଦଳର ନେତା ମାନେ ବିଜେଡିରେ ସାମିଲ ହେଉଛନ୍ତି। ଆଜିର ଏହି ମିଶ୍ରଣ ପର୍ବ ବିଜେଡିର ରାଜ୍ୟ କାର୍ଯ୍ୟାଳୟରେ ଅନୁଷ୍ଠତି ହୋଇଥିଲା। ଆଜି କୋରାପୁଟ ଜିଲ୍ଲାର ଜୟପୁର ନିର୍ବାଚନ ମଣ୍ଡଳୀର ୨୦୦୯ କଂଗ୍ରେସ ବିଧାୟକ ପ୍ରାର୍ଥୀ ନାଗରାଜ ଦୋରା, ବୋରିଗୁମ୍ମା ବ୍ଲକ କଂଗ୍ରେସ କମିଟିର ପୂର୍ବତନ ଉପସଭାପତି ନିରଞ୍ଜନ ପ୍ରଧାନ ଓ ବୋରିଗୁମ୍ମା ଛାତ୍ର କଂଗ୍ରେସର ପୂର୍ବତନ ସଭାପତି ସୁବାସ ଚନ୍ଦ୍ର ନାୟକ ବିଜୁ ଜନତା ଦଳରେ ସାମିଲ ହୋଇଛନ୍ତି। ଆଜିର ଏହି କାର୍ଯ୍ୟକ୍ରମରେ କୋରାପୁଟ ଜିଲ୍ଲା ପଯ୍ୟବେକ୍ଷକ ଚନ୍ଦ୍ର ସାରଥୀ ବେହେରା ଏବଂ ବିଜେଡି ରାଜ୍ୟ ସାଧାରଣ ସମ୍ପାଦକ ମାସନ ମଙ୍ଗରାଜ ପ୍ରମୁଖ ଙ୍କ ଉପସ୍ଥିତି ରେ ଦଳରେ ସାମିଲ ହୋଇଥିଲେ। ମୁଖ୍ୟମନ୍ତ୍ରୀଙ୍କ ଆଦର୍ଶ ଏବଂ ଜନହିତକର କାର୍ଯ୍ୟରେ ଅନୁପ୍ରାଣିତ ହୋଇ ସେମାନେ ବିଜେଡିରେ ସାମିଲ ହୋଇଛନ୍ତି ବୋଲି ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ପଥ ଅନୁକରଣ କରି ରାଜ୍ୟ ଏବଂ ରାଜ୍ୟବାସୀଙ୍କ ହିତ ପାଇଁ କାର୍ଯ୍ୟକରିବେ ବୋଲି ଦଳରେ ସାମିଲ ହୋଇଥିବା ନେତା ପ୍ରକାଶ କରିଛନ୍ତି।
