ସନଷ୍ଟାର ଟିଭି ବ୍ୟୁରୋ
କାନପୁର :କାନପୁର ଏକ ଇଲେକ୍ଟ୍ରିକ୍ ବସ୍ ନିୟନ୍ତ୍ରଣ ହରାଇ କାନପୁରରେ ଉପସ୍ଥିତ ଥିବା ଲୋକଙ୍କ ଉପରେ ଚଢ଼ିଆସିବା ଦ୍ବାରା ଅତି କମରେ ୬ଜଣଙ୍କର ମୃତ୍ୟୁ ଘଟିଥିବା ବେଳେ ୧୨ ଜଣ ଆହତ ହୋଇଛନ୍ତି ବୋଲି ପୋଲିସ ସୂଚନା ଦେଇଛି। ତେବେ ଏହି ଦୁର୍ଘଟଣା ଟାଟ ମିଲ ଛକ ନିକଟରେ ଘଟିଥିବାର ସୂଚନା ମିଳିଛି।
ଦ୍ରୁତ ଗତିରେ ଆସୁଥିବା ବସ୍ ନିୟନ୍ତ୍ରଣ ହରାଇ ଅନେକ ଗାଡି ଏବଂ ସେଠାରେ ଉପସ୍ଥିତ ଥିବା ଲୋକଙ୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ବସ୍ ଦ୍ୱାରା ତିନୋଟି କାର୍ ଏବଂ ଅନେକ ବାଇକ୍ ମଧ୍ୟ ନଷ୍ଟ ହୋଇଯାଇଛି। ଏହା ପରେ ବସ୍ ଏକ ଟ୍ରାଫିକ୍ ବୁଥ୍ ଦେଇ ଏକ ଟ୍ରକ୍ ଧକ୍କା ଦେବା ପରେ ଅଟକି ଯାଇଥିଲା। ପୂର୍ବ କାନପୁରର ପୋଲିସ ଡେପୁଟି କମିଶନର ପ୍ରମୋଦ କୁମାର କହିଛନ୍ତି, ବସ୍ ଡ୍ରାଇଭର ଫେରାର ଅଛି, ଆମେ ତାଙ୍କୁ ଖୋଜୁଛୁ । ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଚିକିତ୍ସା କରାଯାଉଛି।
ଏହି ଦୁର୍ଘଟଣାରେ ପ୍ରାଣ ହରାଇଥିବା ପରିବାରବର୍ଗଙ୍କୁ ରାଷ୍ଟ୍ରପତି ରାମ ନାଥ କୋବିନ୍ଦ ସମବେଦନା ଜଣାଇଛନ୍ତି। ସେ ଲେଖିଛନ୍ତି ଯେ
କାନପୁର ବସ୍ ଦୁର୍ଘଟଣାରେ ଅନେକ ଆହତ ହୋଇଥିବା ଖବର ପାଇ ଗଭୀର ଦୁଃଖିତ । ଏହି ଘଟଣାରେ ନିଜ ପ୍ରିୟଜନଙ୍କୁ ହରାଇଥିବା ପରିବାର ପ୍ରତି ମୋର ଗଭୀର ସମବେଦନା। ଆହତ ଲୋକଙ୍କୁ ଶୀଘ୍ର ଆରୋଗ୍ୟ କାମନା କରୁଛି ବୋଲି ରାଷ୍ଟ୍ରପତି କୋବିନ୍ଦ ତାଙ୍କ ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ପୋଷ୍ଟ କରିଛନ୍ତି।
