ସନଷ୍ଟାର ଟିଭି ବ୍ୟୁରୋ
ମୁମ୍ବାଇ:ବିଗ୍ ବସ୍ ୧୫ ର ଆଗାମୀ ଗ୍ରାଣ୍ଡ୍ ଫାଇନାଲ୍ ର କ୍ଲିପ୍ ହୋଷ୍ଟ ସଲମାନ ଖାନ ଏବଂ ସିଜନ ୧୩ ର ଶେହନାଜ ଗିଲଙ୍କ ମଧ୍ୟରେ ଏକ ମୁହୂର୍ତ୍ତ ବର୍ତ୍ତମାନ ସୋସିଆଲ ମିଡିଆରେ ଖୁବ ଲୋକପ୍ରିୟ ହେଉଛି। ଯେଉଥିରେ ଦୁଇଜଣ ଭାବୁକ ହୋଇଥିବାର ଦେଖିବାକୁ ମିଳୁଛି। ବିଗବସର ଗ୍ରାଣ୍ଡ ଫାଇନାଲ ଏପିସୋଟରେ ଅତିଥି ଭାବରେ ସଲମାନ ମଞ୍ଚରେ ଶେହନାଜଙ୍କୁ ସ୍ୱାଗତ କରୁଥିବାର ଦେଖାଯାଉଛି। ସଲମାନଙ୍କ ପାଖରେ ପହଞ୍ଚିବା ପରେ ଶେହନାଜ ଟିକେ ଭାବପ୍ରବଣ ହୋଇଥିବାର ଦେଖାଯାଉଛି।ମୁଁ ତୁମକୁ ଦେଖିବା ପରେ ଭାବପ୍ରବଣ ହୋଇଗଲି ବୋଲି ଶେହନାଜ କହିଛନ୍ତି। ଏହାପରେ ଟିକିଏ ଭାବପ୍ରବଣ ମୁହୁର୍ତ୍ତ କ୍ୟାମେରାରେ କୟଦ ହୋଇଛି।
ଏଥିରେ ସଲମାନ ଶେହାନାଜଙ୍କୁ ସାନ୍ତ୍ୱନା ଦେବା ପାଇଁ ଏକ ଆଲିଙ୍ଗନ କରିଛନ୍ତ। ବିଗ୍ ବସ୍ ୧୩ ରେ ସମୟରେ ଶେହାନାଜ୍ ଏବଂ ସିଦ୍ଧାର୍ଥ ସାକ୍ଷାତ ହୋଇଥିଲା। ଏହି ବିଗବସ ସେଟରେ ହିଁ ତାଙ୍କର ବନ୍ଧୁତ୍ବ ସୃଷ୍ଟି ହୋଇଥିଲା। ଶାହନାଜ ଏବଂ ସିଦ୍ଧାର୍ଥ ମଧ୍ୟରେ ବନ୍ଧନ ବିଗ୍ ବସ୍ ୧୩ ର ଅନ୍ୟତମ ମୁଖ୍ୟ ଆକର୍ଷଣ ଥିଲା। ବିଗ୍ ବସ୍ ୧୩ର ମଧ୍ୟ ବିଜେତା ସିଦ୍ଧାର୍ଥ ହୋଇଥିଲେ ଏବଂ ଶେହନାଜ ଦ୍ୱିତୀୟ ରନର୍ ଅପ୍ ହୋଇଥିଲେ । ତେବେ ସିଦ୍ଧାର୍ଥ ୨୦୨୦ ରେ ହୃଦଘାତରେ ମୃତ୍ୟବରଣ କରିଥିଲେ। ତେବେ ବିଗବସ ସେଟରେ ଶେହନାଜ ସିଦ୍ଧାର୍ଥଙ୍କୁ ମନେପାଉଥିବାର ଦେଖାଦେଇଛି।
