ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଦିନ କେଇଟା ପରେ ସାଧାରଣତନ୍ତ୍ର ଦିବସ । ଏନେଇ କମିସନରେଟ୍ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ଗାନ୍ଧୀମାର୍ଗରେ ପାଳନ ହେବ ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ । ଏଥିପାଇଁ ଆଜି ଏବଂ ଆସନ୍ତାକାଲି ପରେଡ୍ ରିଅଲସଲ୍ ଦିନ ୨.୩୦ରୁ ଆରମ୍ଭ ହୋଇଯାଇଛି। ଦୁଇ ଦିନ ଧରି ପରେଡ୍ ଅଭ୍ୟାସ ସରିବା ପରେ ଫାଇନାଲ ରିହଲସଲ୍ ଆସନ୍ତା ୨୪ତାରିଖ ସକାଳ ୭.୩୦ ମିନିଟ୍ରେ ଅନୁଷ୍ଠିତ ହେବ । ଯେଉଁଥିପାଇଁ ରାସ୍ତାରେ ଯାନବାହନ ଯାତାୟତ ଉପରେ ରୋକ ଲଗାଯିବ। ଏବଂ ରାସ୍ତାରେ ବ୍ୟାରିକେଡ୍ ଲଗାଯିବ । ପରେଡ୍ ସମୟରେ ଏଜି ଛକ ଦେଇ ଆସୁଥିବା ଲୋକେ ଆଇଜି ପାର୍କ ଦେଇ ଯାତାୟତ କରିବେ ବୋଲି ସୂଚନାଦିଆଯାଇଛି । କେଶରି ଦେଇ ଆସୁଥିବା ଲୋକେ କେଶରି ହଲ ରୋଡ୍ରେ ଯାତାୟତ କରିବେ। ସେହିପରି ୧୨୦ ବାଟାଲିୟନ ଓ ଏମଏଲ କଲୋନି ରୋଡ ଦେଇ ଆସୁଥିବା ଲୋକେ ମାଷ୍ଟରକ୍ୟାଣ୍ଟିନ ଦେଇ ଯାତାୟତ କରିବେ ବୋଲି ସୂଚନା ଦିଆଯାଇଛି।(ରିର୍ପୋଟ:ପ୍ରିୟ)
