ସନଷ୍ଟାର ଟିଭି ବ୍ୟୁରୋ
ଆବୁଧାବି: ଆବୁଧାବିର ନୂତନ ଅନ୍ତର୍ଜାତୀୟ ବିମାନବନ୍ଦରରେ ଡ୍ରୋନ୍ ଆକ୍ରମଣ ହୋଇଥିବା ସନ୍ଦେହ କରାଯାଉଛି। ଏହାସହ ଆବୁଧାବି ରାଜଧାନୀରେ ଦୁଇଟି ସ୍ଥାନରେ ଅଗ୍ନିକାଣ୍ଡ ଘଟିଥିବାର ଖବର ପ୍ରକାଶ ପାଇଛି। ତେବେ ବର୍ତ୍ତମାନ ଯାହା ସୂଚନାମିଳୁଛିକ କି ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ନେଇ ସୂଚନା ମିଳୁଛି। ଏହାସହ ୬ଜଣ ଆହାତ ହୋଇଛନ୍ତି। ମୃତକଙ୍କ ମଧ୍ୟରୁ୨ ଜଣ ଭାରତୀୟ ଏବଂ ଜଣେ ପାକିସ୍ଥାନୀ ବୋଲି ସୂଚନାମିଳିଛି।
ନୂତନ ଆବୁଧାବି ବିମାନବନ୍ଦରରେ ତିନୋଟି ଇନ୍ଧନ ପରିବହନକାରୀ ଟ୍ୟାଙ୍କର୍ ଉପରେ ଏହି ଆକ୍ରମଣ ହୋଇଥିବା ଜଣାଯାଇଛି। ଆବୁଧାବି ପୋଲିସ କହିଛି ଯେ ତିନୋଟି ତୈଳ ଟ୍ୟାଙ୍କରରେ ଅଗ୍ନିକାଣ୍ଡ ଏବଂ ବିସ୍ଫୋରଣ ଘଟିଛି । ଏହାସହ ନୂତନ ବିମାନବନ୍ଦରର ନିର୍ମାଣ ସ୍ଥଳରେ ଅଗ୍ନିକାଣ୍ଡ ଘଟିଛି। ସୋମବାର ସକାଳେ ଡ୍ରୋନ୍ ଦ୍ବାରା ଏହି ଆକ୍ରମଣ କରାଯାଇଛି।
