ସନଷ୍ଟାର ଟିଭି ବ୍ୟୁରୋ
ଦେହରାଡୁନ୍:କାନ୍ଦିଲେ ବିଜେପି ନେତା। କିଛି ନକହି ଦଳରୁ ବହିଷ୍କୃତ କରିଥିବାର କହି କ୍ୟାମେରାରେ ଆଗରେ ଅଶ୍ରୁଭର ହୋଇଗଲେ ଉତ୍ତରପ୍ରଦେଶ ବିଜେପି ନେତା ହରାକ ସିଂ ରାୱତ। ଏହାସହ ଆସନ୍ତା ମାସରେ ହେବାକୁ ଥିବା ରାଜ୍ୟ ନିର୍ବାଚନରେ ସେ କଂଗ୍ରେସ ବିଜୟ କରିବ ବୋଲି ମଧ୍ୟ ଭବିଷ୍ୟବାଣୀ କରି କହିଛନ୍ତି।
ହରାକ ସିଂ ରାୱତ କହିଛନ୍ତି ଯେ ଏତେ ବଡ ନିଷ୍ପତ୍ତି ନେବା ପୂର୍ବରୁ ସେମାନେ (ବିଜେପି) ମୋ ସହ ଥରେ କଥା ହୋଇନଥିଲେ। ଯଦି ମୁଁ କଂଗ୍ରେସ ଛାଡି ବିଜେପିରେ ଯୋଗ ଦେଇ ନ ଥା’ନ୍ତି, ତେବେ ମୁଁ ଚାରି ବର୍ଷ ପୂର୍ବେ ବିଜେପିରୁ ଇସ୍ତଫା ଦେଇଥାନ୍ତେ। ମୋର କେବଳ ଜଣେ ମନ୍ତ୍ରୀ ହେବାରେ ଅଧିକ ଆଗ୍ରହ ନାହିଁ, ମୁଁ କେବଳ କାମ କରିବାକୁ ଚାହୁଁଥିଲି ବୋଲି ହରାକ ସିଂ ରାୱତ ନ୍ୟୁଜ୍ ଏଜେନ୍ସି ANI କୁ କହିଛନ୍ତି। ସେ ଏହାମଧ୍ୟ କହିଛନ୍ତି, “ବର୍ତ୍ତମାନ ମୁଁ କଂଗ୍ରେସ ସହ କଥା ହେବି ଏବଂ କଂଗ୍ରେସ ପାଇଁ କାର୍ଯ୍ୟ କରିବି। ଶ୍ରୀ ରାୱତ କହିଛନ୍ତି ଯେ ତାଙ୍କୁ ଦିଲ୍ଲୀକୁ ଏକ ବୈଠକ ଡାକରା ଦିଆଯାଇଛି ।
“କେନ୍ଦ୍ର ମନ୍ତ୍ରୀ ପ୍ରହଲଦ ଯୋଶୀ ମୋତେ ଦିଲ୍ଲୀରେ ଭେଟିବାକୁ ଡାକିଥିଲେ, ଟ୍ରାଫିକ ଯୋଗୁଁ ଟିକିଏ ବିଳମ୍ବ ହୋଇଥିଲା। ମୁଁ ତାଙ୍କୁ ଏବଂ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବାକୁ ଚାହୁଁଥିଲି, କିନ୍ତୁ ମୁଁ ଦିଲ୍ଲୀରେ ପହଞ୍ଚିବା ମାତ୍ରେ ସୋସିଆଲ ମିଡିଆରେ ଦେଖିଲି ଯେ ସେମାନେ (ବିଜେପି) ) ମୋତେ ବହିଷ୍କାର କରିଛନ୍ତି। ଏକ ମାସରୁ ଅଧିକ ଆଭ୍ୟନ୍ତରୀଣ ବିବାଦ ପରେ ଉତ୍ତରପ୍ରଦେଶ ନିର୍ବାଚନର କିଛି ସପ୍ତାହ ପୂର୍ବରୁ ଶ୍ରୀ ରାୱତଙ୍କୁ “ଦଳ ବିରୋଧୀ କାର୍ଯ୍ୟକଳାପ” ପାଇଁ ବରଖାସ୍ତ କରାଯାଇ ବହିଷ୍କାର କରାଯାଇଥିଲା। ମଧ୍ୟରାତ୍ରି ପୂର୍ବରୁ ଖବର ପ୍ରକାଶ ପାଇଲା ଯେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ପୁଷ୍କର ଧାମି ରାଜ୍ୟପାଳଙ୍କୁ ଚିଠି ଲେଖିଛନ୍ତି ଯେ ଶ୍ରୀ ରାୱତଙ୍କୁ କ୍ୟାବିନେଟରୁ ହଟାଇ ଦିଆଯାଇଛି। ବିଜେପି ଦଳରୁ କାଢ଼ିବା ଏବଂ ଏପରି ନିର୍ଣ୍ଣୟ ନେବା ପୂର୍ବରୁ ଗୋଟିଏ ଥର ଭି ହରାକ ସିଂ ରାୱତ ଙ୍କୁ ନଜଣାଇବା ପାଇଁ ସେ ଅତ୍ୟନ୍ତ ଦୁଃଖ ପ୍ରକାଶ କରିଛନ୍ତି।
