ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ରାଜ୍ୟ ନିର୍ବାଚନ ଆୟୋଗଙ୍କ ସହ ବୈଠକ ପରେ ପୋଲିସ ଡିଜିଙ୍କ ପ୍ରତିକ୍ରିୟା। କୋଭିଡ କଟକଣା ପାଳନ ସହ ନିର୍ବାଚନ ଆଚରଣ ବିଧି ଅନୁପାଳନ ଉପରେ ଗୁରୁତ୍ୱ ଦିଆଯିବ ବୋଲି ପ୍ରକାଶ କରିଲେ ପୋଲିସ ଡିଜି ସୁନୀଲ ବଂଶଲ । ଶାନ୍ତିଶୃଙ୍ଖଳା ସହ ନିର୍ବାଚନ କରିବା ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଛି । ପ୍ରତି ଜିଲ୍ଲାରେ ନୋଡାଲ ଅଫିସର ମାନଙ୍କୁ ନିଯୁକ୍ତ ଦିଆଯିବ । ଯେଉଁମାନେ କୋଭିଡ ଗାଇଡ଼ଲାଇନର ସହ ତଦାରଖ କରିବେ। ମୁକ୍ତ,ଅବାଧ ଓ ନିରପେକ୍ଷ ନିର୍ବାଚନ ପାଇଁ ଏହି ବ୍ୟବସ୍ଥା କରାଯାଇଛି। ଏହା ଏକ ସ୍ୱତନ୍ତ୍ର ନିର୍ବାଚନ। କୋଭିଡ କଟକଣା ଭିତରେ ନିର୍ବାଚନ କରିବା ମଧ୍ୟ ଏକ ବଡ଼ ଆହ୍ଵାନ। ୫ ରାଜ୍ୟରେ ବିଧାନସଭା ନିର୍ବାଚନ ଥିବାରୁ ଓଡିଶା ପୋଲିସର ଯୋଗଦାନ ରହିବ। ସେତିକି ବେଳେ ରାଜ୍ୟରେ ପଞ୍ଚାୟତ ନିର୍ବାଚନ ରହୁଛି। କିନ୍ତୁ କେତେ ଫୋର୍ସ ନିୟୋଜିତ ହେବେ ତାହା କେନ୍ଦ୍ରୀୟ ସୁରକ୍ଷା ଏଜେନ୍ସି ସହ ଆଲୋଚନା କରି ନିୟୋଜିତ କରାଯିବ।(ରିର୍ପୋଟ:ଆଶିଷ କୁମାର ରାଉତ)
