ସନଷ୍ଟାର ଟିଭି ବ୍ୟୁରୋ
ନୂଆପଡା: ନୂଆପଡା ଜିଲ୍ଲା କୋମନା ଥାନା ଅନ୍ତର୍ଗତ ଛତିଶଗଡ ସୀମାନ୍ତରେ ଥିବା ସୁନାବେଡା ଅଭୟାରଣ୍ୟ ମଧ୍ୟରେ ଗତ ୯ ତାରିଖ ଦିନ ମାଓବାଦୀ ମାନେ ମେଳି କରୁଥିବା କୌଣସି ବିଶ୍ୱସ୍ତ ସୂତ୍ରରୁ ଖବର ମିଳିଥିଲା। ଏହାପରେ ନୂଆପଡା CRPF, DVF ଓ SOG ଙ୍କ ମିଳିତ ଉଦ୍ୟମରେ କମ୍ବିଙ୍ଗ ଅପରେସନ କରାଯାଇଥିଲା,ଏଥିରେ ପୋଲିସ ଓ ମାଓବାଦୀଙ୍କ ମଧ୍ୟରେ ୪୦ ରୁ ୫୦ ରାଉଣ୍ଡ ଗୁଳିବିନିମୟ ହୋଇଥିବା ସୂଚନା ଦେଇଛନ୍ତି ନୂଆପଡା ଏସପି। ଏହି ଗୁଳି ବିନିମୟ ସମୟରେ ୪ ରୁ ୫ଜଣ ମାଓବାଦୀ ଆହତ ହୋଇଥିବା ଆଜି ସାମ୍ବାଦିକ ସମ୍ମିଳନୀରେ ନୂଆପଡା ଏସପି ପ୍ରତୁଷ ଦିବାକର ସୂଚନା ଦେଇଛନ୍ତି । ଏହାସହ ୧୦ ଓ ୧୧ ତାରିଖ ମଧ୍ୟ ମାଓବାଦୀ ଏବଂ ପୋଲିସଙ୍କ ମଧ୍ୟରେ ଗୁଳି ବିନିମୟ ହୋଇଛି। ଏବଂ ଏବେ ମଧ୍ୟ କମ୍ବିଙ୍ଗ ଅପରେସନ ଚାଲୁଥିବା ସୂଚନାମିଳିଛି। ତେବେ ବର୍ତ୍ତମାନ ସୁଦ୍ଧା ଏହି ଅପରେସନରେ ସେମାନଙ୍କ ଠାରୁ ଛତା, ସୋଲାର ପ୍ଲେଟ, ମାଓବାଦୀ ପୋଷ୍ଟର, ଔଷଧ ସହିତ ଅନେକ ସାମଗ୍ରୀ ଜବତ କରାଯାଇଛି।(ରିର୍ପୋଟ:ଶାମ୍ବ କୁମାର ସରାଫ)
