ସନଷ୍ଟାର ଟିଭି ବ୍ୟୁରୋ
ଭୋପାଳ:ମଧ୍ୟପ୍ରଦେଶର ରେୱା ଠାରୁ ଏକ ଆଶ୍ଚର୍ଯ୍ୟଜନକ ଦୃଶ୍ୟରେ ସାମ୍ନାକୁ ଆସିଛି। ଜଣେ ମହିଳା ପୋଲିସ ଜଣେ ମୋଟରସାଇକେଲ ଚାଳକକୁ ନିଜ ପ୍ୟାଣ୍ଟ ସଫା କରାଉଥିବା ଦେଖିବାକୁ ମିଳିଥିଲା। ଏହାପରେ ତାଙ୍କୁ ଏକ ଶକ୍ତ ଚାପୁଡା ଟିଏ ମାରୁଥିବାର ଦେଖିବାକୁ ମିଳିଥିଲା। ତେବେ ସୂଚନାମୁତାବକ ମୋଟର ଗାଡି ଚାଳକଟିଏ ଯିବା ସମୟରେ ପୋଲିସ ମହିଳାଙ୍କ ଉପରେ କାଦୁଅ ଛାଟିଥିବା ପରର ଏହି ଦୃଶ୍ୟ। ଯଦିଓ ଏହାର କୌଣସି ଭିଡିଓ ନାହିଁ ତେବେ ଏହାର ଏକ ୬ସେକେଣ୍ଡର ଏକ ଭିଡିଓ ଟି ବର୍ତ୍ତମାନ ଭାଇରାଲ ହେବାରେ ଲାଗିଛି। ମହିଳା ପୋଲିସ ଜଣକ ତାଙ୍କ ଧଳା ଟ୍ରାଉଜରରୁ ଧୂଳିଝାଡିବା ପାଇଁ ମୋଟର ଚାଳକୁ ବାଧ୍ୟ୍ୟକରିଥିଲେ ଏହାପରେ ମୋଟରଚାଳକ ଜଣକ ଗୋଟିଏ ଲାଲରଙ୍ଗର କପଡାରେ ତାଙ୍କ ଧଳା ଟ୍ରାଉଜରକୁ ପୋଛିଥିଲେ ଏହାପରେ ମହିଳା ପୋଲିସ ଜଣକ ଏକ ଶକ୍ତ ଚାପୁଡା ମାରିଥିଲେ।
ତେବେ ମିଳିଥିବା ସୂଚନାଅନୁସାରେ ମହିଳା ଜଣକ ହେଉଛନ୍ତି କଲେକ୍ଟର ଅଫିସରେ କାମ କରୁଥିବା ହୋମଗାର୍ଡ ଯାହାଙ୍କ ନାମ ହେଉଛି ଶଶି କଳା। ତେବେ ଏହି ଭିଡିଓ ଟି ଭାଇରାଲ ହେବା ପରେ ଏହା ଦେଖାଯାଉଛି ଯେ ଜଣେ ବ୍ୟକ୍ତି ଅଧିକାରୀଙ୍କ ପ୍ୟାଣ୍ଟ ସଫା କରିବାକୁ ବାଧ୍ୟ ହୋଇଥିଲେ, ଯିଏ ତାଙ୍କୁ ପରେ ଚାପୁଡ଼ା ମାରି ଚାଲି ଯାଇଥିଲେ। ଯଦି କେହି ଅଭିଯୋଗ ନେଇ ଆମ ପାଖକୁ ଆସନ୍ତି, ତେବେ ଆମେ ଏହାକୁ ନେଇ କାର୍ଯ୍ୟ କରିବୁ ବୋଲି ଅତିରିକ୍ତ ଏସପି (ରେୱା) ଶିବ କୁମାର କହିଛନ୍ତି।
