ସନଷ୍ଟାର ଟିଭି ବ୍ୟୁରୋ
ଜଳେଶ୍ବର:ଦୁର୍ଘଟଣା କୁ ନେଇ ରାସ୍ତା ରୋକ । ଜଳେଶ୍ବର-ଚନ୍ଦନେଶ୍ୱର ୫୭ ନମ୍ବର ରାଜ୍ୟ ରାଜପଥ ତାଳବଣିଆ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ସୂଚନାମୁତାବକ ବାଇକ କୁ ପଛ ପଟୁ ଏକ ଡ଼ମ୍ଫର ଧକ୍କା ଦେବା ପରେ ଘଟିଛି ଏହି ଅଘଟଣ । ଘଟଣା ସ୍ଥଳରେ ଜଣେ ବାଇକ ଆରୋହି ଙ୍କ ଜୀବନ ଯାଇଥିବା ବେଳେ ଜଣେ ଗୁରୁତର ହୋଇଛନ୍ତି । ଉଭୟଙ୍କ ପରିଚୟ ମିଳିପାରି ନଥିବା ବେଳେ ଦୁର୍ଘଟଣା ଘଟାଇଥିବା ଡ଼ମ୍ଫର ଘଟଣା ସ୍ଥଳରୁ ଚମ୍ପଟ ମାରିଛି । ଉକ୍ତ ଡ଼ମ୍ଫରଟିକୁ ବାଲିମ୍ ନିକଟରୁ ପୋଲିସ ଜବତ କରିଛି । ତେବେ ବେପରୁଆ ଗାଡି ଚାଳନା ଯୋଗୁଁ ଦୁର୍ଘଟଣା ବାରମ୍ବାର ହେଉଥିବା ନେଇ ସ୍ଥାନୀୟ ଲୋକଙ୍କ ଦ୍ୱାରା ରାସ୍ତା ଅବରୋଧ କରାଯାଛନ୍ତି । ଲୋକଙ୍କ କହିବା ଅନୁସାରେ ଏହା ପ୍ରଥମ ଘଟଣା ନୁହେଁ, ଏହି ସ୍ଥାନରେ ବହୁ ବାର ଦୁଃଘଟଣା ହେଉଛି। ଏହାକୁ ନେଇ ବାରମ୍ବାର ଅଭିଯୋଗ କରାଯାଉଥିବା ବେଳେ ପ୍ରଶାସନ ସବୁ ଦେଖିକରି ଚୁପ ରହୁଛି। ଏଥିପାଇଁ ରାସ୍ତା ରୋକ କରିଛନ୍ତି ସ୍ଥାନୀୟବାସିନ୍ଦା। ଏଥିପାଇଁ ଘଟଣା ସ୍ଥଳରେ ଚାପା ଉତ୍ତେଜନା ଦେଖା ଦେଇଥିବା ବେଳେ ପୋଲିସ ଲୋକଙ୍କୁ ବୁଝା ସୁଝା କରିବା ସହ ଅଧିକ ତଦନ୍ତ ଚଳାଇଛି।(ରିର୍ପୋଟ: ଆଲୋକ ଚନ୍ଦ୍ର ଘଡେଇ )
