ସନଷ୍ଟାର ଟିଭି ବ୍ୟୁରୋ
ଘଟଗାଁ : ରାଜ୍ୟ ରେ କରୋନା ସଂକ୍ରମଣ ବଢୁଛି। ଆଗକୁ ଆସୁଛି ନୂଆବର୍ଷ। ପର୍ଯ୍ୟଟନ ଋତୁ ଆରମ୍ଭ ହୋଇଥିବାରୁ ତାରିଣୀ ମନ୍ଦିରରେ ଭକ୍ତଙ୍କ ଗହଳି ଅଧିକରୁ ଅଧିକ ହେବା ଯୋଗୁ ମନ୍ଦିରକୁ ୫ଦିନ ବନ୍ଦ ରଖିବା ପାଇଁ ଜିଲ୍ଲା ପ୍ରଶାସନ ତରଫରୁ ନିଷ୍ପତ୍ତି ନିଆଯାଇଛି । ଆଗକୁ ବଡ଼ଦିନ ଏବଂ ନୂଆବର୍ଷ ଆସୁଥିବାରୁ ଏଭଳି ପଦକ୍ଷେପ ନିଆଯାଇଛି । ଏହି ପରିପ୍ରେକ୍ଷୀରେ ଡିସେମ୍ବର ୨୫ , ୨୬ , ୩୧ ଓ ୨୦୨୨ ଜାନୁଆରୀ ୧ ଏବଂ ୨ ତାରିଖ ଦିନ ସାଧାରଣ ଦର୍ଶନ ପାଇଁ ମନ୍ଦିର ବନ୍ଦ ରହିବ । ଏ ସଂକ୍ରାନ୍ତରେ ମନ୍ଦିର ପରିଚାଳନା ବୋର୍ଡ଼ ସଭାପତି ରାଜେନ୍ଦ୍ର କୁମାର ପଟ୍ଟନାୟକ ଆୟୋଜିତ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଉକ୍ତ ଦିନ ଗୁଡିକରେ ମନ୍ଦିର ପରିସରରେ ଭକ୍ତ ପ୍ରବେଶ କରି ପାରିବେ ନାହିଁ ବୋଲି କୁହାଯାଇଛି । ତେବେ ଉକ୍ତ ଦିନଗୁଡ଼ିକରେ ମନ୍ଦିରର ସମସ୍ତ ନୀତିକାନ୍ତି କରାଯିବ ।
