ସନଷ୍ଟାର ଟିଭି ବ୍ୟୁରୋ
ବାଲେଶ୍ଵର: ଓଡିଶା ଉପକୂଳରୁ ସ୍ୱଳ୍ପ ଦୂରଗାମୀ, ଭୂପୃଷ୍ଠରୁ ଗାଇଡ୍ ବାଲିଷ୍ଟିକ୍ କ୍ଷେପଣାସ୍ତ୍ର ‘ପ୍ରଳୟ’ର ସଫଳ ପରୀକ୍ଷଣ ହୋଇଛି।
ପ୍ରତିରକ୍ଷା ଅନୁସନ୍ଧାନ ବିକାଶ ସଂଗଠନ ଦ୍ବାରା ବିକଶିତ ହୋଇଥିବା କଠିନ ଇନ୍ଧନ, ଯୁଦ୍ଧ କ୍ଷେତ୍ର କ୍ଷେପଣାସ୍ତ୍ର ଭାରତୀୟ ବାଲିଷ୍ଟିକ୍ କ୍ଷେପଣାସ୍ତ୍ର କାର୍ଯ୍ୟକ୍ରମରୁ ପ୍ରତିରକ୍ଷା ଯାନ ଉପରେ ଆଧାରିତ ।
ସକାଳ ପ୍ରାୟ ୧୦.୩୦ ବେଳେ ଏପିଜେ ଅବଦୁଲ କଲାମ ଦ୍ୱୀପରୁ ଉତକ୍ଷେପଣ ହୋଇଥିବା ଏହି କ୍ଷେପଣାସ୍ତ୍ର ସମସ୍ତ ମିଶନ ଉଦ୍ଦେଶ୍ୟ ପୂରଣ କରିଛି ବୋଲି ସୂତ୍ରରୁ ପ୍ରକାଶ ପାଇଛି। ଏକ ନିର୍ଦ୍ଦିଷ୍ଟ ପରିସର ପରେ ଏହାର ପଥ ପରିବର୍ତ୍ତନ କରିବାର କ୍ଷମତା ଅଛି ବୋଲି ନ୍ୟୁଜ୍ ଏଜେନ୍ସି ANI କୁ ସୂତ୍ରରୁ ପ୍ରକାଶ।
ପ୍ରଳୟ ‘କ୍ଷେପଣାସ୍ତ୍ର ହେଉଛି ଏକ ୩୫୦-୫୦୦ କିଲୋମିଟର ସ୍ୱଳ୍ପ ଦୂରଗାମୀ, ଭୂପୃଷ୍ଠରୁ ଭୂପୃଷ୍ଠ କ୍ଷେପଣାସ୍ତ୍ର ସହିତ ୫୦୦-୧୦୦୦ କିଲୋଗ୍ରାମ କ୍ଷମତା ବିଶିଷ୍ଟ କ୍ଷେପଣାସ୍ତ୍ର। ଡିଫେନ୍ସ ମନ୍ତ୍ରୀ ରାଜନାଥ ସିଂ ଟ୍ୱିଟରରେ କହିଛନ୍ତି ଯେ ପ୍ରଥମ ବିକାଶ ପାଇଁ DRDO ଏବଂ ଆନୁଷଙ୍ଗିକ ଦଳକୁ ଅଭିନନ୍ଦନ । “
ସେ ଆହୁରି ମଧ୍ୟ କହିଛନ୍ତି, ଫାଷ୍ଟ-ଟ୍ରାକ୍ ବିକାଶ ଏବଂ ଆଧୁନିକ ସର୍ଫେସ୍-ଟୁ-ସର୍ଫେସ୍ କ୍ୱାସି ବାଲିଷ୍ଟିକ୍ କ୍ଷେପଣାସ୍ତ୍ରର ସଫଳ ଉତକ୍ଷେପଣ ପାଇଁ ମୁଁ ସେମାନଙ୍କୁ ପ୍ରଶଂସା କରୁଛି। ଏହା ଆଜି ହାସଲ ହୋଇଥିବା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଅଟେ।
