ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ପଞ୍ଚାୟତ ନିର୍ବାଚନ ପୁର୍ବରୁ ବଳ ଗୋଟାଉଛି ବିଜେଡି । ଦଳକୁ ଆହୁରି ସଶକ୍ତ କରିବା ପାଇଁ ପ୍ରତିଦିନ ଆୟୋଜିତ ହେଉଛି ମିଶ୍ରଣ ପର୍ବ । ଆଜି ବିଜୁଯୁବ କାର୍ଯ୍ୟଳୟ ଠାରେ ସୋନପୁରର ଟାଣୁଆ ବିଜେପି ନେତା କୃଷକମୋର୍ଚ୍ଚାସଭାପତି , ତଥା ବୌଦ୍ଧ ଜିଲ୍ଲା ବିଜେପି ପର୍ଯୟବେକ୍ଷକ କରମଚାନ୍ଦ ମହାନ୍ତି ଙ୍କ ନେତୃତ୍ୱରେ ୫୦ରୁ ଉର୍ଦ୍ଧ୍ବ ନେତା ବିଜେଡିର ସାମିଲ ହୋଇଛନ୍ତି। କରମଚାନ୍ଦ ମହାନ୍ତି ଜଣେ କୃଷକ ନେତା ହୋଇଥିବାରୁ ବିଜେପି ରେ କୃଷକ ମାନଙ୍କ ପାଇଁ କାମ କରିବାକୁ କୌଣସି ସୁଯୋଗ ମିଳୁନଥିବାରୁ ସେ ବିଜେଡି ରେ ସାମିଲ ହେଇଛନ୍ତି ବୋଲି କହିଥିଲେ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୃଷକ ମାନଙ୍କ ଉନ୍ନତି ପାଇଁ ବିଭିନ୍ନ ପଦକ୍ଷେପ ନେଉଛନ୍ତି ସେଥିପାଇଁ ତାଙ୍କ ଭଳି ଅନେକ କୃଷକ ମାନଙ୍କୁବିଜେଡ଼ି ରେ କାମ କରାଇବାକୁ ସୁଯୋଗ ଥିବାରୁ ସେ ବିଜେଡି ରେ ସାମିଲ ହେଇଛନ୍ତି ବୋଲି କହିଥିଲେ । ଏହି କାର୍ଯ୍ୟକ୍ରମ ରେ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ କରମଚାନ୍ଦ ମହାନ୍ତି ଙ୍କୁ ବିଜେଡି ପାରିବାର କୁ ସ୍ଵାଗତ କରିଥିଲେ ଏହି କାର୍ଯ୍ୟକ୍ରମ ରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଉପସ୍ଥିତ ଥିଲେ ।(ରିର୍ପୋଟ:ଆଶିଷ କୁମାର ରାଉତ)
