ସନଷ୍ଟାର ଟିଭି ବ୍ୟୁରୋ
ଉଦଳା :ପ୍ରତିଦିନ ପରି ସେ ଦିନ ମଧ୍ୟ କାମ ସାରି ଘରକୁ ଫେରୁଥିଲେ । ହେଲେ ବାଟରେ ଜଗି ବସିଥିଲା ମୃତ୍ୟୁ । ହାତୀ ଆକ୍ରମଣରେ ଚାଲିଗଲା ଦାଦାର ଜୀବନ ଏବଂ ଗୁରୁତର ହେଲା ପୁତୁରା ।
କପ୍ତିପଦା ବନାଂଚଳ ଅଧିନ ଶାରୀଶୁଆ ବିଟ୍ କରଞ୍ଜିଆ ନାଳ ଗ୍ରାମ ନିକଟରେ ଘଟିଯାଇଛି ଅଘଟଣ । କରଞ୍ଜିଆ ନାଳ ଗ୍ରାମର ମଧୁସୂଦନ ହୋ ଏବଂ ତାଙ୍କ ପୁତୁରା ପ୍ରତିଦିନ ପରି ଗତକାଲି ମଧ୍ୟ କାମ ସାରି ଘରକୁ ଫେରୁଥିଲେ । ହେଲେ କରଞ୍ଜିଆ ନାଳ ନିକଟରେ ହାତୀ ଉଭୟଙ୍କୁ ଆକ୍ରମଣ କରିଥିଲା । ହାତୀଟି ଦାଦା ମଧୁସୂଦନଙ୍କୁ କଚାଡି ମାରିବା ସହିତ ପୁତୁରାକୁ ମଧ୍ୟ ଆକ୍ରମଣ କରିଥିଲା । ହେଲେ ପୁତୁରା ହାତୀ ଆକ୍ରମଣରୁ ବର୍ତି ଯାଇଥିବା ବେଳେ ଗୁରୁତର ଭାବେ ଆହତ ହୋଇଛି । ସ୍ଥାନୀୟ ଲୋକେ ଚିକିତ୍ସା ନିମନ୍ତେ ଉଭୟ ଦାଦା ଏବଂ ପୁତୁରାକୁ ଉଦଳା ଡାକ୍ତରଖାନାରେ ଭର୍ତ୍ତି କରିଥିବା ବେଳେ ଡାକ୍ତର ଦାଦା ମଧୁସୂଦନଙ୍କୁ ମୃତ ଘୋଷଣା କରିଛନ୍ତି । ଖବର ପାଇ ବନବିଭାଗ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛି ।(ରିର୍ପୋଟ: ଆଲୋକ କୁମାର ବେହେରା)
