ସନଷ୍ଟାର ଟିଭି ବ୍ୟୁରୋ
ପୁରୀ:ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଳକ ଫତେପୁରୁ ଗାଁ ପାଖ ସମୂଦ୍ର କୂଳରେ ଗତ କାଲି ଅପରାହ୍ନରେ ଏକ ବିଶାଳକାୟ ମୃତ ତିମି ମାଛ ଲାଗିଥିବା ସ୍ଥାନୀୟ ମସ୍ତ୍ୟଜିବୀ ଦେଖିବାକୁ ପାଇଥିଲେ । ଏହି ତିମି ମାଛଟି ପ୍ରାୟ ୨୦ ଟନ ରୁ ଉର୍ଦ୍ଧ୍ବ ହେବ ବୋଲି ସୂଚନାମିଳିଛି । ଏହାର ଲମ୍ବ ପ୍ରାୟ ୪୨ ଫୁଟ ଓ ଗୋଲେଇ ୨୦ଫୁଟ ବୋଲି ସ୍ଥାନୀୟ ମସ୍ୟଜୀବୀ ସୂଚନାଦେଇ କହିଛନ୍ତି । ଗତ କାଲି ଏହି ତିମି ମାଛଟି ସମୁଦ୍ର କୂଳରେ ଲାଗିବା ବେଳେ ବଞ୍ଚିଥବାର ମଧ୍ୟ କହିଛନ୍ତି ସ୍ଥାନୀୟ ଲୋକେ । ଆଜି ସକାଳୁ ଚିଲିକା ବନ୍ୟପ୍ରାଣୀ ବନାଞ୍ଚଳ ତରଫରୁ ଏକ ଟିମ ଫତେପୁରୁ ଗାଁ ନିକଟରେ ସମୂଦ୍ର କୂଳକୁ ଯାଇ ତିମି ମାଛଟିକୁ ଠାବ କରି ଫୋନ ଯୋଗେ ତିମିର ମୃତ ଖବର ସୂଚନା ଦେଇଛନ୍ତି ରମ୍ଭା ରେଞ୍ଜର ନୃସିଂହ ବେହେରା । ଗତ କାଲି ମାଛଟିକୁ ଉଦ୍ଧାର କରାଯାଇ ପାରିଥିଲେ ବୋଧ ହୁଏ ଏହା ବଞ୍ଚି ପାରିଥାନ୍ତା ବୋଲି ଲୋକେ କହୁଛନ୍ତି। କିନ୍ତୁ ବିରାଟ କାୟ ତିମିକୁ ସମୁଦ୍ର ଭିତରକୁ ନିଆଯିବ ସମ୍ଭବ ନଥିଲା ବୋଲି ମତପ୍ରକାଶ ପାଉଛି।(ରିର୍ପୋଟ:ଶଙ୍କର ସରକାର)
