ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ମୟୂରଭଞ୍ଜ ରେ ଶକ୍ତ ହେଉଛି ବିଜେଡି । ବିଜେଡି ଉପରେ ବଢୁଛି ମୟୂରଭଞ୍ଜବାସୀଙ୍କ ବିଶ୍ଵାସ । ବିଭିନ୍ନ ଦଳ ଛାଡି ବହୁ ନେତା ଓ କର୍ମୀ ବିଜୁ ଜନତା ଦଳରେ ସାମିଲ ହେଉଛନ୍ତି ।ଆଗକୁ ଆସୁଛି ପଞ୍ଚାୟତ ନିର୍ବାଚନ । ଏବେଠୁ ଆରମ୍ଭ ହେଲାଣି ଆଗାମୀ ପଞ୍ଚାୟତ ନିର୍ବାଚନ ପାଇଁ ସଜବାଜ । ପଂଚାୟତ ନିର୍ବାଚନ ଯେତିକି ପାଖେଇ ଆସୁଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଶତାଧ୍ଵକ କର୍ମୀ ବିଜେଡିରେ ମିଶୁଛନ୍ତି । ସେହିପରି ଆଜି ମୟୂରଭଞ୍ଜ ଜିଲ୍ଲା ବଡ଼ସାହି ନିର୍ବାଚନ ମଣ୍ଡଳୀ ବିଜେଡି ପକ୍ଷରୁ ଦଳର ରାଜ୍ୟ ସାଂଗଠନିକ ସମ୍ପାଦକ ଶ୍ରୀ ପ୍ରଣବ ପ୍ରକାଶ ଦାସଙ୍କ ବାସଭବନ ରେ ଆଜି ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୟୁରଭଞ୍ଜ ଜିଲ୍ଲାର ଆଦିବାସୀ ସୁରକ୍ଷା ମୋର୍ଚ୍ଚା ସଭାପତି ତଥା ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷା ଶ୍ରୀମତୀ ସର୍ପତି ଟୁଡୁ ନିଜ ଦଳ JMM କୁ ଛାଡି ଆଜି ବିଜେଡିର ସାମିଲ ହୋଇଛନ୍ତି । ସେହିପରି ଆମ୍ ଆଦମୀ ପାର୍ଟିର ସଭାପତି ବିଶ୍ବନାଥ ହେମ୍ବ୍ର ମ ମଧ୍ୟ ନିଜ ଦଳ ଛାଡି ଶଙ୍ଖ ଧରିଛନ୍ତି । ସେହିପରି ବିଜେପି ସମର୍ଥିତ ବେତନଟୀ ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ଶ୍ରୀମତୀ ପାନମଣି ମୁର୍ମୁ , ସଠିଲ ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ଲକ୍ଷ୍ମୀପ୍ରିୟା ଟୁଡୁ , ଦୁହିକଟି ଗ୍ରାମପଞ୍ଚାୟତର ପୂର୍ବତନ ସମିତି ସଭ୍ୟା ତୁଳସୀମଣି ସିଂ , ରଘୁପୁର ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ସୁକାନ୍ତିଲତା ସିଂ , ମୁକ୍ତାପୁର ଗ୍ରାମପଞ୍ଚାୟତର ପୂର୍ବତନ ସମିତି ସଭ୍ୟା ଶ୍ରୀମତୀ ସୁମତି ହଂସଦା ଓ ଦୁହିକଟି ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ସରୋଜିନୀ ସିଂ ମଧ୍ୟ ମୁଖ୍ୟମନ୍ତ୍ରୀ ଙ୍କ ଆଦର୍ଶ ରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି ।
ମୁଖ୍ୟମନ୍ତ୍ରୀଙ୍କ ସ୍ବଛ ନିର୍ମଳ ଏବଂ ଜନ ହିତାଧିକାରୀ ଶାସନରେ ଅନୁପ୍ରାଣିତ ହୋଇ ଦଳରେ ସାମିଲ ହୋଇଥିବା ପ୍ରକାଶ କରିଛନ୍ତି ବିଜେଡିରେ ସାମିଲ ହୋଇଥିବା କର୍ମୀ । ଆଜି ର ଏହି ମିଶ୍ରଣ କାର୍ଯ୍ୟକ୍ରମରେ ମନ୍ତ୍ରୀ ତଥା ମୁୟୂରଭଞ୍ଜ ଜିଲ୍ଲା ବିଜୁ ଜନତା ଦଳ ସଭାପତି ଶ୍ରୀ ସୁଦାମ ମାରାଣ୍ଡି , ବଡ଼ସାହି ନିର୍ବାଚନ ମଣ୍ଡଳୀ ପର୍ଯ୍ୟବେକ୍ଷକ ତଥା ବିଧାୟକ ଶ୍ରୀ ସଞ୍ଜୀବ ମଲ୍ଲିକ , ମୋରଡ଼ା ବିଧାୟକ ଶ୍ରୀ ରାଜକିଶୋର ଦାସ , ମୟୁରଭଞ୍ଜ ଜିଲ୍ଲା ବିଜୁ ଜନତା ଦଳ ସହ ପର୍ଯ୍ୟବେକ୍ଷକ ଦାୟିତ୍ବରେ ଥିବା ଶ୍ରୀ ଜନ୍ମଜୟ ଲେଙ୍କା , ବଡ଼ସାହି ନିର୍ବାଚନ ମଣ୍ଡଳୀ ସହ ପର୍ଯ୍ୟବେକ୍ଷକ ଯୁବନେତା ଶ୍ରୀ ଚିନ୍ମୟ ସାହୁ , ବଡ଼ସାହି ପୂର୍ବତନ ବିଧାୟକ ଶ୍ରୀ ଗଣେଶ୍ବର ପାତ୍ର , ବିଜେଡି ବଡ଼ସାହି ସଂଯୋଜକ ଶ୍ରୀ ଶୁଭ୍ରମନ୍ୟୁମ ମହାନ୍ତି , ବରିଷ୍ଠ ବିଜେଡି ନେତା ଖିତିଶ ମହାନ୍ତି ଓ ଶ୍ରୀ ଜ୍ୟୋତି ସାମଲ , ଜ୍ଞାନ ରଞ୍ଜନ ଦାଶ , ସୁଶାନ୍ତ ବଳା , ଅର୍ଜୁନ ଦଳାଇ , ସୁନ୍ଦର ମୋହନ ମହାନ୍ତ ପ୍ରମୁଖ ଉପସ୍ଥିତ ରହିଥିଲେ । ଏହି ଅବସରରେ ବିଜେପି କଂଗ୍ରେସ ଓ JMM ଦଳ ଛାଡିଥିବା ଅନେକ ନେତା ବିଜେଡିରେ ସାମିଲ ହୋଇଛନ୍ତି । ଏହି ଅବସରରେ ବିଜୁଜନତା ଦଳ ତରଫରୁ ସେମାନଙ୍କୁ ସ୍ଵାଗତ କରାଯାଇଥିଲା । ଆଗକୁ ପଞ୍ଚାୟତ ନିର୍ବାଚନ ଆସୁଥିବାରୁ ସମସ୍ତଙ୍କ ନଜର ମୁୟୁରଭଞ୍ଜ ଜିଲ୍ଲାର ବଡ଼ସାହି ନିର୍ବାଚନ ମଣ୍ଡଳୀ ଉପରେ ରହିଛି । ଆଗାମୀ ଦିନରେ ସମସ୍ତେ ଏକାଠି ହୋଇ ମୁଖ୍ୟମନ୍ତ୍ରୀଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟ ଏବଂ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇବାକୁ ଉପସ୍ଥିତ ନବନିଯୁକ୍ତ କର୍ମୀମାନେ କହିଥିଲେ ।
