ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ନିଟ୍ ରେ କୃତକାର୍ଯ୍ୟ ଛାତ୍ରଛାତ୍ରୀ ଏମ୍ବିବିଏସ୍ ଓ ବିଡିଏସ୍ରେ ନାମଲେଖା ପାଇଁ କାଉନସେଲିଂ ପ୍ରକ୍ରିୟା ନଭେମ୍ବର ୨୯ରୁ ଆରମ୍ଭ କରାଯିବ ବୋଲି ପ୍ରଥମେ ବିଜ୍ଞପ୍ତି ପ୍ରକାଶ ପାଇଥିଲା । ତେବେ କୌଣସି କାରଣରୁ ଏହାର ନାମ ଲେଖାକୁ ପୁଣି ସ୍ଥଗିତ ରଖାଯାଇଛି । ତେବେ କାଉନସେଲିଂ ସମ୍ପର୍କରେ ଖୁବଶୀଘ୍ର ନୂଆ କାର୍ଯ୍ୟ ସୂଚୀ ଉପଲବ୍ଧ କରାଯିବ ବୋଲି ଓଜେଇଇ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ସୂଚନାଯୋଗ୍ୟ ଯେ ଗତ ୨୫ ତାରିଖରେ ନାମଲେଖା ପାଇଁ ବିଜ୍ଞପ୍ତି ପ୍ରକାଶ ପାଇଥିଲା । ଏଥିରେ କୁହାଯାଇଥିଲା , ୨୯ ତାରିଖରୁ ଅନ୍ଲାଇନରେ କାଉନ୍ସେଲିଂ ଆରମ୍ଭ ହେବ । ଏନେଇ ୱେବ୍ସାଇଟରେ ସୂଚନା ଉପଲବ୍ଧ କରାଯିବ ବୋଲି ଓଜେଇଇ ପକ୍ଷରୁ ଜଣାଇ ଦିଆଯାଇଥିଲେ ମଧ୍ୟ ଏବେ ନାମଲେଖା ପ୍ରକ୍ରିୟାକୁ ପୁଣି ସ୍ଥଗିତ ରଖାଯାଇଛି ।
