ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ଓଡିଆ ସୁନା ପୁଅ ପ୍ରମୋଦ ଭଗତ ଟୋକିଓ ପାରା ଅଲମ୍ପିକ୍ସ ରେ ଗୋଲ୍ଡ ମେଡାଲ ଜିତିଥିବା ପରେ ସାରାଦେଶ ରେ ସୁନାମ ଅର୍ଜନକରିଥିଲେ । ତାସହ କିଛି ଦିନ ପୂର୍ବେ କ୍ରୀଡ଼ା କ୍ଷେତ୍ରର ଦେଶର ସର୍ବୋଚ୍ଚ ସମ୍ମାନ ମେଜର ଧ୍ୟାନଚାନ୍ଦ ଖେଳ ରତ୍ନ ପୁରସ୍କାର ଯାହା ରାଷ୍ଟ୍ରପତି ଙ୍କ ଦ୍ଵାରା ତାଙ୍କୁ ସମ୍ମାନିତ କରାଯାଇଥିଲା ପ୍ରଥମ ଓଡିଆ ଭାବେ ପ୍ରମୋଦ ଭଗତ ଖେଳ ରତ୍ନ ପୁରସ୍କାର ପାଇଥିଲେ। ଆଜି ଭୁବନେଶ୍ୱର ବିମାନବନ୍ଦର ଠାରେ ଏକ ବିଶାଳ ବାଇକ ଶୋଭାଯାତ୍ରା ମାଧ୍ୟମରେ ପ୍ରମୋଦ ଭଗତ ଙ୍କୁ ସ୍ଵାଗତ କରାଯାଇଥିଲା । ପ୍ରମୋଦ ଙ୍କ ପ୍ରସଂଶକ ମାନଙ୍କ ଦ୍ଵାରା ଏହି ସ୍ୱାଗତ ଶୋଭାଯାତ୍ରାଟି ବିମାନବନ୍ଦର ରୁ ଇସ୍କନ୍ ମନ୍ଦିର ପର୍ଯ୍ୟନ୍ତ ଚାଲିଥିଲା । ଏହି ଶୋଭାଯାତ୍ରାରେ ପ୍ରମୋଦ ଭଗତ ଙ୍କ ପାରିବାର ସଦସ୍ୟ ମାନେ ମଧ୍ୟ ଉପସ୍ଥିତ ଥିଲେ ।
