ସନଷ୍ଟାର ଟିଭି ବ୍ୟୁରୋ
ବାଲିଆପାଳ: ସ୍ତ୍ରୀର ଶବକୁ ତାଳସାରି ବେଳାଭୂମିରେ ପୋଡି ସ୍ଵାମୀ ଫେରାର । ଯୋଜନାଵଦ୍ଧ ଭାବେ ହତ୍ୟା କରିବା ସନ୍ଧେହରେ ତିନି ଜଣଙ୍କୁ ଉଠାଇ ନେଲା ପୋଲିସ । ସାଇଣ୍ଟିଫିକ ଟିମ ପହଞ୍ଚି ପୋଡ଼ା ଯାଇଥିବା ସ୍ଥଳରୁ ତଦନ୍ତ ଆରମ୍ଭ କରିଛି। ମମିତା ମେହେର ଘଟଣା ନ ଲିଭୁଣୁ ପୁଣି ଆଉଜଣେ ମହିଳାଙ୍କ ସନ୍ଧେହ ଜନକ ମୃତ୍ୟୁ କୁ ନେଇ ବର୍ତ୍ତମାନ ଭୋଗରାଇ ଚର୍ଚ୍ଚା ଜୋର ଧରିଛି। ଏହି ଘଟଣାକୁ ନେଇ ବର୍ତ୍ତମାନ ସନ୍ଦେହ କରା ଯାଉଛି। ତେବେ ଏହା ଏକ ହତ୍ୟା ନା ଆତ୍ମହତ୍ୟା ତାହା ଏ ଯାଏଁ ଜଣାପଡି ନାହିଁ। ତେବେ ଏହି ଘଟଣାକୁ ନେଇ ସନ୍ଦେହ କରି ଗାଁର ୩ଜଣଙ୍କୁ ଚାଳସାରି ସାମୁଦ୍ରିକ ଥାନାରେ ଗିରଫ କରାଯାଇ ପୁଲିସ ତାର ପଚରା ଉଚୁରା କରୁଛି।
ତେବେ ଏଭଳି ଏକ ଅମାନବୀୟ ଘଟଣା ଘଟିଛି ଭୋଗରାଇର ବାଜିତପୁର ପଂଚାୟତ ଅଧୀନ ସାନଚରା ଗାଁରେ । ବିବରଣୀରୁ ପ୍ରକାଶ , ବହୁ ଚର୍ଚ୍ଚିତ ମର୍ମିତ ମେହେରଙ୍କ ହତ୍ୟାକାଣ୍ଡ ଘଟଣା ନଲିଭୁଣୁ ବାଲେଶ୍ଵର ଜିଲ୍ଲାରେ ପୁଣି ଏକ ଘଟଣା ଘଟିଛି । ପ୍ରାୟ ୬ବର୍ଷ ପୂର୍ବରୁ ପଶ୍ଚିମବଙ୍ଗ ଅଂଚଳର ଶିବାଜୀ ନାୟକ ନାମକ ଯୁବକ ଯାଜପୁର ଅଂଚଳରେ ପଢା଼ କାମ କରୁଥିଲେ । ସେ ଯାଜପୁର ଟାଉନ ଥାନା ଅଧୀନ ବଜେଶ୍ଵର ଗାଁର ସୁରେନ୍ଦ୍ର ପରିଡାଙ୍କ ଝିଅ ରାନୁଲତା ( ୨୩ ) ଙ୍କୁ ଭଲପାଇ ଭୋଗରାଇକୁ ନେଇ ପଳାଇ ଆସିଥିଲେ । ଶିବାଜୀ ସାନଙଭା ଗାଁକୁ ଆସି ଏକ ସ୍ଥାୟୀ ଘର କରି ଦୁହେଁ ରହୁଥିଲେ । ତାଙ୍କର ଏକ ୫ବର୍ଷର ଝିଅଟିଏ ମଧ୍ୟ ରହିଛି । ମାତ୍ର ଗତ ଶୁକ୍ରବାର ରାତିରେ ରାନୁଲତା ଆତ୍ମହତ୍ୟା କରିଥିବା କଥା ଶିବାଜୀ ଗାଁର କିଛି ଲୋକଙ୍କୁ କହିଥିଲେ । ପରେ କେତେକଙ୍କ ସହାୟତାରେ ରାତାରାତି ତାଳସାରି ବେଳାଭୂମିକୁ ନେଇ ତାର ସତ୍କାର କରିଥିଲେ । ଘଟଣାର ସୁରାକ ପାଇ ପୁଲିସ ଶବ ସତ୍କାରରେ ସାମିଲ ଥିବା ୩ଜଣଙ୍କୁ ଥାନାକୁ ନେଇ ଅଟକ ରଖିଛନ୍ତି । ରବିବାର ସନ୍ଧ୍ୟାରେ ଯାଜପୁରରୁ ରାନୁଲତାଙ୍କ ଭଉଣୀ ଦିପାଳିନୀ ଥାନାରେ ପହଞ୍ଚିଛନ୍ତି । ତେବେ ଶିବାଜୀ ସ୍ତ୍ରୀର ସତ୍କାର ପରେ କୁଆଡେ ଚମ୍ପଟ ମାରିଛନ୍ତି ଓ ସେ ରହୁଥିବା ଘରେ ଏବେ ତାଲା ପଡ଼ିଛି । ଏହା ପର୍ଯ୍ୟନ୍ତ ତାଙ୍କର ମୋବାଇଲ ଫୋନ ସୁଇଚ ଅଫ ରହିଛି । ପୁଲିସ ତାଙ୍କୁ ଧରିବାକୁ ଜୋରଦାର ଉଦ୍ୟମ ଚଳାଇଛି । ତେବେ ଦିପାଳିନୀ ଥାନାରେ ପହଂଚି ତାଙ୍କ ଭଉଣୀଙ୍କୁ ହତ୍ୟା କରାଯାଇଥିବା ଅଭିଯୋଗ ଉଠାଇଛନ୍ତି । ମାତ୍ର ସ୍ଵାମୀ ଶିବାଜୀ ଧରା ନ ପଡିବା ଯାଏଁ ଏହା ହତ୍ୟା ନା ଆତ୍ମହତ୍ୟା ସମସ୍ତଙ୍କୁ ସନ୍ଦେହରେ ପକାଉଛି । ଅପରପକ୍ଷରେ ଜଣେ ମହିଳାଙ୍କ ମୃତ୍ୟୁ ପରେ ପୁଲିସକୁ ନଜଣାଇ ରାତି ଅଧିଆ ପୋଡି ଦେବା କେତେ ଠିକ ତାହା ସାଧାରଣରେ ଚର୍ଚ୍ଚା ହେଉଛି । ଏହା ସହ ବର୍ତ୍ତମାନ ପୋଲିସ ତାର ତଦନ୍ତ ଜାରି ରଖିଛି।(ରିର୍ପୋଟ:ଚନ୍ଦନ ଜେନା)
