ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଓଡ଼ିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟ ( ଓୟୁଏଟି ) ରେ କୃଷି ଓ ଆନୁଷଙ୍ଗିକ ବିଷୟର ସ୍ନାତକୋତ୍ତର ( ପିଜି ) ଓ ପିଏଚ୍ଡି ପାଠ୍ୟକ୍ରମରେ ପ୍ରବେଶିକା କାର୍ଯ୍ୟସୂଚୀ ବଦଳିଛି । ଆସନ୍ତା ୨୯ ତାରିଖରେ ଏହି ଦୁଇ ପାଠ୍ୟକ୍ରମ ପାଇଁ କମ୍ପ୍ୟୁଟର ବେସ୍ ଟେଷ୍ଟ ( ସିବିଟି ) ପଦ୍ଧତିରେ ପରୀକ୍ଷା ଅନୁଷ୍ଠିତ ହେବ । ପୂର୍ବାହ୍ନ ୧୧ଟାରୁ ଅପରାହ୍ନ ୧ଟାପର୍ଯ୍ୟନ୍ତ ଭୁବନେଶ୍ଵରଠାରେ ଏହି ପରୀକ୍ଷା ଅନୁଷ୍ଠିତ ହେବ । ଏଥିପାଇଁ ପରୀକ୍ଷାର୍ଥୀ ମାନେ ଶୁକ୍ରବାର ଠାରୁ ପ୍ରବେଶପତ୍ର ( ଆଡମିଟ୍ କାର୍ଡ ) ପାଇପାରିବେ । ଏହି ପ୍ରବେଶପତ୍ର ଓୟୁଏଟି ୱେବସାଇଟ୍ରେ ଉପଲ୍ବଧ ରହିବ। ଯଦି କୌଣଯି ସହାୟତା ଆବଶ୍ୟକ ହୁଏ ଛାତ୍ରଛାତ୍ରୀ ସହାୟତା ନମ୍ବର- ୯୦୭୧୧୨୩୪୨୨ରେ ଯୋଗାଯୋଗ କରିପାରିବେ। ଏହାଛଡା ଅଧିକ ସୂଚନା ପାଇବା ପାଇଁ ଓୟୁଏଟି ୱେବସାଇଟ୍ରେ ବିଶ୍ବବିଦ୍ୟାଳୟ ପକ୍ଷରୁ ସୂଚନା ପାଇପାରିବେ।
