ସନଷ୍ଟାର ଟିଭି ବ୍ୟୁରୋ
କୋରପୁଟ :ଆନ୍ଧ୍ର ସୀମାନ୍ତ ପଟାଙ୍ଗି ଥାନା ଆମ୍ପାବାଲି ସିମେଣ୍ଟ କାରଖାନା ନିକଟ ପାହାଡରୁ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି। ଶରୀର ମୁହଁ ଓ ଛାତିକୁ ପଥର ରେ ଛେଛି ବିଭତ୍ସ ଭାବେ ହତ୍ୟା କରାଯାଇଥିବା ସନ୍ଦେହ କରାଯାଉଛି। ପାହାଡର ପଥର କରିଡର ରୁ ମୃତଦେହ ଉଦ୍ଧାର କରାଯାଇଛି। ଘଟଣାସ୍ଥଳରେ ସାଇଣ୍ଟିଫିକ ଟିମ ପହଞ୍ଚିବା ସହ ପୋଲିସ ତାର ତଦନ୍ତ ଜାରି କରିଛି। ଶବକୁ ବ୍ୟବଚ୍ଛେଦ ପାଇଁ କୋରାପୁଟ ମେଡିକାଲ କଲେଜ ହସ୍ପିଟାଲ କୁ ପଠାଯାଇଛି।
ମୃତ ଯୁବତୀଙ୍କ ପରିଚୟ ମିଳିନଥିବା ସୁନାବେଡା ଏସଡିପିଓ ମନୋଜ କୁମାର ବେହେରା କହିଛନ୍ତି ଯେ ଯୁବତୀଙ୍କ ବୟଷ ପ୍ରାୟ ୨୫ ବର୍ଷ ହେବ ବୋଲି ପଟାଙ୍ଗି ପୋଲିସ କହିଛି। ସାଇଣ୍ଟିଫିକ ଟିମ ସହ ପୋଲିସର ତଦନ୍ତ ଜାରି ରହିଛି। ଦୁଷ୍କର୍ମ କରି ହତ୍ୟା କରାଯାଇଛି ନା ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସ୍ପଷ୍ଟ ହେବ ବୋଲି ପୋଲିସ କହିଛି। ଏହାସହ ଘଟଣାର ତଦନ୍ତ ଜାରି ରହିଛି ବୋଲି ପୋଲିସ ସୂଚନାଦେଇଛି।(ରିର୍ପୋଟ: ବେଂକଟେଶ୍ୱର ରାଓ)
