ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:୨୦୧୯ବିଧାନସଭା ନିର୍ବାଚନ ରେ ବେଗୁନିଆରେ ବିଜେଡିକୁ ଟକ୍କର ଦେଇଥିଲେ କଂଗ୍ରେସ ନେତା ପ୍ରଦୀପ ସାହୁ। ଆଜି ସେ ବିଜେଡି ରେ ସାମିଲ ହୋଇଛନ୍ତି। ଏବେ ବେଗୁନିଆ ଓ ବୋଲଗଡ଼ ରେ କଂଗ୍ରେସ ମୂଳପୋଛ ହେବାକୁ ଯାଉଛି । ଜାନକୀ ପଟ୍ଟନାୟକ ପରିବାରର ଏକାନ୍ତ ଅନୁଗତ। ବେଗୁନିଆ ବୋଲଗଡ଼ ବ୍ଲକ କଂଗ୍ରେସ ପାର୍ଥି ପ୍ରଦୀପ ସାହୁ କଂଗ୍ରେସ ରୁ ଇସ୍ତଫା ଦେଇଛନ୍ତି। ଆଜି ରାଜ୍ୟ ବିଜେଡ଼ି ଯୁବ କାର୍ଯ୍ୟାଳୟରେ ପ୍ରାୟ ୧ ହଜାର ରୁ ଉର୍ଦ୍ଧ ସହକର୍ମୀଙ୍କ ସହ ଆୟୋଜିତ ଏକ ମିଶ୍ରଣ ପର୍ବରେ ବିଜେଡିରେ ମିଶିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଶୃଙ୍ଖଳିତ ଓ ସମୃଦ୍ଧ ଶାସନରେ ନିଜକୁ ସାମିଲ କରି ବୋଲଗଡ ଓ ବେଗୁଣିଆ ର ସମୃଦ୍ଧି ପାଇଁ ପ୍ରୟାସ କରିବେ ବୋଲି ପ୍ରଦୀପ ସାହୁ କହିଥିଲେ।
ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ବୋଲଗଡ଼ ବେଗୁନିଆ ନିର୍ବାଚନ ମଣ୍ଡଳୀର ଶତାଧିକ କଂଗ୍ରେସ୍ କର୍ମୀ ମାନଙ୍କୁ ବିଜୁଜନତା ଦଳ ର ପରିବାରକୁ ସ୍ଵାଗତ କରିଥିଲେ। ଏହି ମିଶ୍ରଣ ପର୍ବରେ ବେଗୁନିଆ ବୋଲଗଡ଼ ବିଧାୟକ ରାଜକିଶୋର ସାହୁ , ଖୋର୍ଦ୍ଧା ଜିଲ୍ଲା ବିଜେଡି ସଭାପତି ବିଭୁତି ବଳବନ୍ତ ରାୟ , ମିଡ଼ିଆ ସେଲ୍ ର ଉପଦେଷ୍ଟା ମାନସ ମଙ୍ଗରାଜ ଉପସ୍ଥିତ ଥିଲେ। ।(ରିର୍ପୋଟ:ଆଶିଷ କୁମାର ରାଉତ)
