ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ରବିବାର ଦିନ କାର୍ତ୍ତିକ ଆର୍ଯ୍ୟନ୍ ଏପରି କିଛି କରିଥିଲେ ଯାହା ତାଙ୍କୁ ଟ୍ରେଣ୍ଡ ତାଲିକାରେ ରଖିଛି। ବିଗ୍ ବସ୍ ୧୫ ର ସେଟ୍ ରୁ ଫେରୁଥିବା ସମୟରେ ଏହି ଅଭିନେତା ନିଜର କଳା ଲମ୍ବୋର୍ଗିନିକୁ ରାସ୍ତା କଡ଼ରେ ଥିବା ଖାଦ୍ୟ ଷ୍ଟଲ ସମ୍ମୁଖରେ ଅଟକି ନିଜ ତଥା ପରିଚିତ ବ୍ୟକ୍ତିଙ୍କ ପାଇଁ ଫାଷ୍ଟଫୁଡ ଅର୍ଡର କରିଥିଲେ। ତାଙ୍କ ଲମ୍ବୋର୍ଗିନିର ବୋନେଟରେ ଖାଦ୍ୟ ଖାଉଥିବା ଅଭିନେତାଙ୍କ ଚିତ୍ର ଇଣ୍ଟରନେଟରେ ବର୍ତ୍ତମାନ ଘୁରିବୁଲଛି। କାର୍ତ୍ତିକ ଆର୍ଯ୍ୟନଙ୍କ ରାସ୍ତା କଡ଼ରେ ଥିବା ଫାଷ୍ଟଫୁଡକୁ ଉପଭୋଗ କରୁଥିବା ଚିତ୍ର ଉପରେ ଅନେକ ଲୋକ କମେଣ୍ଟ କରିଛନ୍ତି। ଏବଂ ସେ ଜଣେ ସରଳ ମଣିଷ ବୋଲି ଲେଖିଛନ୍ତି।
କାର୍ତ୍ତିକ ଆର୍ଯ୍ୟନ୍ ତାଙ୍କର ଆଗାମୀ ଚଳଚ୍ଚିତ୍ର ଧମାକା କୁ ସଲମାନ ଖାନଙ୍କ ବିଗ୍ ବସ୍ ୧୫ର ସେଟରେ ପ୍ରମୋସନ କରୁଥିଲେ। ଯାହାକି ନଭେମ୍ବର ୧୯ ରେ ଧମାକା ପ୍ରେକ୍ଷାଳୟରେ ମୁକ୍ତିଲାଭ କରିବ ।
କାର୍ତ୍ତିକ ଆର୍ଯ୍ୟନ୍ ଙ୍କୁ ଶେଷ ଥର ପାଇଁ ଲଭ୍ ଆଜ୍ କଲରେ ଦେଖିବାକୁ ମିଳିଥିଲା, ଯେଉଁଥିରେ ସେ ସାରା ଅଲି ଖାନଙ୍କ ସହ ସ୍କ୍ରିନ୍ ସ୍ପେସ୍ ସେୟାର କରିଥିଲେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ଇମତିଆଜ ଅଲି। କାର୍ତ୍ତିକ ପ୍ୟାର କା ପଞ୍ଚନାମା, ଆକାଶ ଭାନି, ପ୍ୟାର କା ପଞ୍ଚନାମା ୨, ଲୁକା ଚୁପି, ପତି ପତନ୍ନୀ ଅର ୱୋ ଏବଂ ସୋନୁ କେ ଟିଟୁ କି ସ୍ବିଟି ଭଳି ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି।
