ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ବିଶିଷ୍ଟ ଐତିହାସିକ-ଲେଖକ ତଥା ପଦ୍ମଭୂଷଣ ବାବାସାହେବ ପୁରନ୍ଦରେଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୯ ବର୍ଷ ହୋଇଥିଲା। ବୟସ ସମ୍ବନ୍ଧୀୟ ଅସୁସ୍ଥତା ହେତୁ ଦୁଇ ଦିନ ପୂର୍ବେ ପୁଣେରେ ଥିବା ଏକ ଘରୋଇ ଡାକ୍ତରଖାନାରେ ସେ ଭେଣ୍ଟିଲେଟର ରେ ଥିଲେ। ସକାଳ ପ୍ରାୟ ୫ ଟା ବେଳେ ତାଙ୍କର ମୃତ୍ୟୁ ହୋଇଥିବାର ସୂଚନାମିଳିଥିଲା। ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବାବାସାହେବଙ୍କ ପାଇଁ ରାଜ୍ୟ ସମାଧି ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅନ୍ୟମାନେ ତାଙ୍କ ମୃତ୍ୟୁରେ ଶୋକ ପ୍ରକାଶ କରିଥିଲେ।
ତାଙ୍କୁ ୨୦୧୯ ରେ ଭାରତର ଦ୍ୱିତୀୟ ସର୍ବୋଚ୍ଚ ନାଗରିକ ପୁରସ୍କାର ପଦ୍ମଭୂଷଣ ଏବଂ ୨୦୧୫ ରେ ମହାରାଷ୍ଟ୍ର ଭୂଷଣ ପୁରସ୍କାରରେ ସମ୍ମାନିତ କରାଯାଇଥିଲା। ସେ ୨୦୦ ରୁ ଅଧିକ କଳାକାରଙ୍କ ଦ୍ୱାରା ପରିବେଷିତ ଏବଂ ପାଞ୍ଚଟି ଭାଷାରେ ଅନୁବାଦ ଏବଂ ପ୍ରଣୟନ ହୋଇଥିବା ‘ଜନ୍ତା ରାଜା’ ନାଟକ ଲେଖିଥିଲେ ଏବଂ ଏହାର ନିର୍ଦ୍ଦେଶନା ଦେଇଥିଲେ।
